Read Biete LAPUI 46 Bible Online

LAPUI 46 - Biete bible

LAPUI 46

¹Kora naipahei Lâ Pathian chu ei zôkna neh ei râtna a nit, Lungzîng lâia ne san vak ranga rifo ṭian a nit.

²Khasikin, rammual hih hong idanglamin, Itlânghei hih tuikhanglian sungah chim riai khom sela, Ṭi no min e.

³Tuihei chu irî vung vungin, phûl bur bur khom sela, Arfôn natinsat sikin itlânghei hih inîng dur dur khom sela, Ṭi tlak no min e.

⁴Vadung khatkah a om a, Kha vadung khan Pathian khopui chu ân lôm ngai, Ân chungtaka omna mun rithianghei khah.

⁵Pathian chu kha khopuiah khan a om a, Khasikin, tutên iseh thei no ni a; Pathian chu kôlrisam kaneh â ṭangpui rangin zuang a ti.

⁶Nam tin rilônthingin an om a, ramhei chu an inîng a, Pathian chu a rôl â sua a, rinêng chu a zor zoi tâk a.

⁷Sipaihei Rêngpa chu ei ziangah a om a; Jakoba Pathian chu ei kulpui risâng tak a nit.

⁸Tho ta u, PUMAPA sinthohei hih en ta u, Rinêng chunga thil rikhêl tak tak ai thohei hih.

⁹Ani khan ridoinahei hih kôlkung idênin ân bâng a; Phelngulhei â khiak a, ifeihei a sât inbong a; Iphohei chu meiah a hâl inrimang ngai.[22]

¹⁰“Dâirek unla, Pathian ki nit iti reh rei, Nam tin chunga thuneitu ki nit a; Rammual pumpui chunga thuneitu ki nit,” a ti a.

¹¹Tinrêngthothei PUMAPA chu ei ziangah a om a; Jakoba Pathian chu ei kulpui risâng tak a nit.