Read Biete LAPUI 47 Bible Online

LAPUI 47 - Biete bible

LAPUI 47

¹Kora naihei inpâkna Lâ O mi tinrênghei o, râifânin nin kut iben unla; Rôl iring takka lâ sakin Pathian inpâk rei.

²PUMAPA ân chungtakah chu iṭiom tak a nit a; Rammual pumpuia Rêng roinpui tak a nit.

³Ani khan mi tin chu ei nuaiah ân khûn a; Nam tin chungah ilalin a ne siam tâk.

⁴Ei ram chuan rang a nen dang pêk a, A lungthlung Jakoban ai song tak tak ram kha.

⁵Pathian chu ikhêk rihu neh a lui a, PUMAPA chu bekul irî neh a lui tâk a.

⁶Pathian inpâkin zâi unla, inpâkin zâi rei; Ei Rêngpa inpâkin zâi unla, inpâkin zâi rei.

⁷Pathian chu rammual pumpui chunga rêng a nit a; Inpâkna lâ sakin amah chu chôiinrisâng rei.

⁸Pathian chu a rêngṭhungmun rithiangah khan â ṭhung a; Nam tin chungah rêngin â ṭhung a.

⁹Abrahama Pathian mihei neh nam tina mi lianhei chu an ribûm a, Pathian chu rinêng chunga Rêng inlaltak a nit a; Roinpui takka chôiinrisâng rang a nit.