Read Biete LAPUI 48 Bible Online

LAPUI 48 - Biete bible

LAPUI 48

¹Lâ: Kora naihei inpâkna Lâ PUMAPA chu a roinpuia, roinpui takka inpâk rang a nit. Ei Pathian khopuiah, â tlâng rithiangah khan.

²Zion, Pathian tlâng rithiang chu arsângin â en a hoi a; Rêng inthang tak khopui khan rammual pumpui lômna a zuang ithlun a.

³A khopui kulsungah khan Pathianin, Amah chu zôkna kulpui idettak a nit iti ân lang a.

⁴Ringai ta, rênghei chu an ribûm a, Zion tlâng idoi rangin an hong rithok a;

⁵Nikhomseh, an mu tenan chu arkhêl an ti a, An rilo ân thing a, lâizâm an tho tâk a.

⁶Amakhan iṭi neh rilônthingin a man a, Nupang naiha isê angkan rilônthingin an om tâk a.

⁷Sak ithlîn Tarsis rikuang ilian a îsiat ngai angkan an om tâk.

⁸Sipaihei PUMAPA khopui, Ei Pathian khopuiah khan, Pathian sintho chu ikuara ei iriat angkah ngêiin atûn chu ei mu tâk. Ani khan kha khopui khah kumkhuaka rangin indet a ti.

⁹O Pathian, ni Tempil sungrilah khan, Ni lungkhamlian tlia kin ngaitua ngai.

¹⁰O Pathian, ner ming chu an chôiinrisâng a, Nangma inpâkna chu kôlkung idênin ân thang tâk. Diknan roi nî rêl ngai a nit.

¹¹Diknan roi ni rêl ngai sikin Zion khopui chu lôm sela, Juda khopuiheiah khan lômna om riseh.

¹²Pathian mihei, Zion chu vêl unla; A râlrungbûkhei chu tep rei.

¹³A kulbanghei chu richik unla, A Rêng In kulhei chu enfia rei; Khanchu, rual thoithar hong iom nôkhei ziangah,

¹⁴“Hi Pathian hih kumkhuantluanga ei Pathian a nit a; Ani chu kumkhuan ne kâiruaitu ni mai a ti,” iti iril thei nin ti.