Read Biete LAPUI 52 Bible Online

LAPUI 52 - Biete bible

LAPUI 52

¹ Davida inpâkna Lâ. Edom mi Deoga khan Saula ziangah, “Davida chu Ahimeleka inah a fe,” itia a hong iril lâia mi O mi rât, îtho tâk im ni siatna khah ni irsongpui tâk? Pathian lungkhamna chu kumtluang idai kêng ai nit.

²Sûn nithlâkin mi dang isehna rang ni ngaitua a; Ne lei chu luvoi chemte ngaih dap angkah a nit a, Milak ṭong iphua ni thiam tak tak reng.

³Iṭha nêkan isia nen lut ual a; Thudik isîr nêkan milak ni înlut ual hi.

⁴O mi lêmsia, mi lungril innah thei murdi thu chu, Ner ngai innat vang na!

⁵Khasikin, Pathianin kumkhuaka rangin nang isiang a ta; Nang man a ta, ni omna ina rithokin nang isuang a ta; Iringhei ram ata nang nûk isua pai a ti.

⁶Amakhah mi felhei khan mûng an ta, ṭîng an ti; Khanchu, anni khan nang inui an ta,

⁷“En ta u, hi mi hih a nit, Izôk ranga Pathiana ringat ino a, Archongna natinsat taka ringat ual a, A pualoina rinêl khap mi chu,” tîng an ti.

⁸Keimah chu Pathian ina oliv indon nuang angkah hih ki nit a; Pathian lungkhamlianna chu kumkhuantluangkan kî iam mai a nit.

⁹O Pathian, ni sinthohei sikah khan, Ni mihei mitmuah lômthu nang ril mai ki ta; Ni ṭhatzia hih inpuang mai ki ti.