Read Biete LAPUI 53 Bible Online

LAPUI 53 - Biete bible

LAPUI 53

¹Intlohei khan an lungrilin, “Pathian zel omak” an ti ngai a. An rêngkan an siat zit a, Thil ṭhano porinche takhei an sin a; Tute thil iṭha sin zel omak.

²Mi vâr, Pathian chubai iûn rêng rêng an om im iti reh rangin; Pathianin rivâna rithokin miriam naihei a zuk en a.

³An rêngkan an fen sual khai tâk a; Porinche takkan an om riai tâk a, Tute sin iṭha sin zel omak a, Khatka lua omak.

⁴Thil thonsualtuhei khan riatna zel an inei ino mani? Ibai an ifâk angkan ki mihei an fâk inrimanga; Pathian lak rilam tlak mak e.

⁵Anni chu an lai tong tlak ngai ino ṭina ṭongin rilônthingin om an ta; Pathianin a mihei idoituhei ru chu la thekindar a ti. Pathianin anni chu a heng tâk a, Khasikin, mualinphoi takkan om an ti.

⁶Israelhei saninringna chu Ziona rithokin zuang suak ta sela o! Pathianin a mihei ân ding nôk tikin chu, Israel mihei chu râifânin lôm tâng an ti.