Read Biete LAPUI 54 Bible Online

LAPUI 54 - Biete bible

LAPUI 54

¹ Davida Lâ: Ziphein Saula ziangah an fe a, “Davida chu kin ram hualah arbîk” iti a an hong iril lâia mi O Pathian, ni sinthotheinaah khan nen zôk inla; Ni râtnaah khan ne sanisua roh.

²O Pathian, ki ṭongṭaina hih ringai inla; Ki bâia thu suakheiah hin ne kuar sung roh.

³Mi lârripâkhei khan an ne doi a; Mi nunterhein ki ringna inboi itumin an zong a, Pathian ngaisak ino mihei ngêi khan.

⁴Ringai ta, Pathian chu ne ṭangpuitu a nit a; PUMAPA chu ki ringna hoitu a nit.

⁵Ke râlhei chu an sualna ngêiah khan Pathianin thung riseh, Ani chu a iamom a, anni chu inrimang a ti.

⁶O PUMAPA, ilôm takkan ni ziangah ribôlna thilpêk lan ki ta; Ni ṭhatna sikin lômthu nang ril ki ti.

⁷Ki lungzîngna murdiheiah khan ni ne sanisua tâk a, Ke râlhei inêa an om tâkna khah ni nen mu tâk.