Read Biete LAPUI 57 Bible Online

LAPUI 57 - Biete bible

LAPUI 57

¹ Davida Inpâkna Lâ: Saula ṭi sika ipûkah arbîk lâia mi O Pathian, lung nen kham roh, O lung nen kham roh, Ni ziang ki hong pan e. A nit, ner thla nuaiah khan ribîng ki ta, Vânduaina thlipui a hek mâkah chu.

²Pathian Chungnungtakah chu ke sam a; Tinrêng ne tho pêk ngaitu Pathian chu.

³Rivân ata ne sâm a ta, nen zôk a ti; Ani khan ne sirdetuhei chu mualphoi takkan siang a ti. Pathianin a lungkhamlianna neh a iamomna chu zuang inlang a ti.

⁴Ki ringna chu sakeibaknei inrêk, Miriam naihei ifah huam huam ngaihei lâiah a om a. An hâhei chu ifei neh thal angkah a nit a; An ilei lak khandai ingaihtak angkah a nit.

⁵O Pathian, rivânheiah khin ni roinpuizia inlang inla, Ni roinpuina chu rammual pumpuiah hin inlang roh.

⁶Ke râlhei khan ke ôkna rang lên an zar a; Ki ringna chu â khûn ṭian tâk a. Anni khan ki lampuiah dîp an choih a, Nikhomseh, anmani ngêi an tlâk tâk a.

⁷Ke lung hi a irngam a nit, O Pathian, Ke lung hi a irngam a nit. Lâ sak ki ta, a nit, nang inpâkna lâ sak ki ti.

⁸Ki ringna, har roh; Perkhuang neh seranda hei, O har rei; Kei chu zîng takah har ki ti.

⁹O PUMAPA, mi tin tinhei lâiah lômthu nang ril ki ta, Nam tin lâiah nangma inpâkin zâi ki ti.

¹⁰Ni lungkhamlianna khan rivân a sun a; Ni iamomna khan vânpial ai tlung a nit.

¹¹O Pathian, rivânheiah khin ni roinpuizia zuk inlang inla, Rinêng chung pumpui khomah hin inlang roh.