Read Biete LAPUI 6 Bible Online

LAPUI 6 - Biete bible

LAPUI 6

¹Davida Inpâkna Lâ O PUMAPA, ningmurin ne ngo non la; Ningthikin ne sôi no roh.

²O PUMAPA, lung nen kham roh, Ker zal tak tak tâk a; Râtna ne peh roh, kî sôlneng tâk a nit.

³Ki ringna khom hi lungzîngnan ai sip tâk a nit; O PUMAPA, itena sôt im ne ṭangpui rangin ni la irvuak rang?

⁴Tho, PUMAPA, ne ngat nôk inla, nen zôk roh; Ni lungkhamna sikin thina ata ne saninzôk roh.

⁵Thi nung lakin nangma riatmaina om khâi mak a; Mithi khuah tutên nang inpâk thei khâi no nih.

⁶Ngaisiatnan ker zal tâk a; Zân tin ki ṭapna sikin ki zâlmun khom ardap zoi tâk a; Ki lukham khom ki mitrithlîn a chôp chit tâk.

⁷Îte mu thei khâi mang; Ke râlhei sika ki ṭapnan ki mit khom â vung zoi tâk.

⁸Nangni, thil thonsualtuhei murdi ne mah riai rei; PUMAPA khan ki ṭap irî khah a riat tâk a,

⁹Lungkham ki nîna khah a ner ngai pêk tâk a, Ki ṭongṭaina kha ne sâm a ti.

¹⁰Ke râlhei murdi mualphoi takka inên om an ta; Voikah renga lunginzîngin anni chu ûmrizûl paiin om an ti.