Read Biete LAPUI 60 Bible Online

LAPUI 60 - Biete bible

LAPUI 60

¹ Davida Inpâkna Lâ: Ani chu Aramnaharaimhei neh Aramzobahei neh an ridoi a, Joaba chu a kîr nôk a, Edomhei mi sînglei sânginikah Ichi Phâiah a that lâia mi O Pathian, nangman ni ne thla a, ni ne siat a; Ni ning a thik tâk a, Nikhomseh, ne thoi inngîr nôk roh.

²Hi ram hih nen nîng a, nen kak tâk a; Atûnah hin â kakhei chu siam inṭha roh, Â lîr rang tâk kêng ai nit.

³Ni mihei hih dengthei rikhêl nen tuang a; Luhâina uain chu nen in tâk a.

⁴Nangma ṭituhei ta rangin puanzâr ni târ pêk a, Amakhan thutak sika zôkna an mu theina rangin.

⁵Ni thloibeihei hih inzôka an om theina rangin, Ni kut chang rithaah khan ne zuang san inla, Kin ngênna ne sâm roh.

⁶A mun rithianga rithokin Pathianin thu â sîr a, “Zoinan Sekem chu sem ki ta; Sokot Phâi chu ki mihei ziangah sem indar ki ti.

⁷Gilead ram chu ki ta a nit a; Manase ram khom ki ta a nit; Efraim ram chu ki lukhum a nit a, Juda ram chu ki rêng irol a nit.

⁸Moab ram chu ki tui risilna bêl a nit a, Edom ram chu ki ta a nit iti riat nan, Ki pheikokin dêng ki ti. Ki chungah hin Filistia mihei chu nêna âila sakin an îkhêk rang mani?” itin.

⁹O Pathian, khopui idet takah khan tûm ne ṭhui inlût rang? Edom ramah khan tûm ne fepui rang?

¹⁰O Pathian, nangman ni ne îthla tâk mani? O Pathian, kin sipaihei lâiah lak ṭang khâi mak che a?

¹¹Ke râlhei idoi rangin ne ṭangpui roh; Miriam ṭangpuina chu chanlamboi a nit.

¹²Pathian zârin ihâi takkan doi ei ti; Ani chu ei irâlhei sirdetu rang a nit.