Read Biete LAPUI 62 Bible Online

LAPUI 62 - Biete bible

LAPUI 62

¹Davida Inpâkna Lâ Ki ringna hin Pathian bang a ngâk a; Ama rithok bangin ki saninringna zuang suak a ti.

²Amah bang hih ki lungpui neh ki saninringna a nit a; Ki kulpui risâng a nit a, inîng tlak no ning e.

³Lungbang ri-ôn neh ripal ilîr lôk lôk angkana mi khatkah hih, Nangnihei murdîn isânphor rangin, Itena sôt im nin idoi rang?

⁴A roinpuina rithoka nam iṭhul rang bangin nin rirôl a; Milak iril hih nin râifânna tak a nit a. Nin bâiin ṭhatvur ṭong nin tho a, Nin lungril rêkin chu vâni nin sâm ngai a.

⁵Ki ringna hin Pathian bang a ngâk a; Ki tûngna hih ama ziang bangah ki irngat a nit.

⁶Amah bang hih ki lungpui neh ki saninringna a nit a; Ki kulpui risâng a nit a, Inîng tlak no ning e.

⁷Pathian ziangah ki saninringna neh ki roinpuina a om a; Ki râtna lungpui neh ki zôkna chu Pathian a nit.

⁸O mipuihei, tiklâi khomin Pathianah ringat unla; Nin lungril chu amah-ah bun rei; Pathian chu ei zôkna a nit.

⁹Miriamhei hih rithuak angkah ringot an nit a, Mi chîn neh mi lianhei khom chanlamboi korong an nit. Varnaah khan chu rilâng vit an ta; Takboi nêkan khom zâng ual an ti.

¹⁰Risualnaah hin ringat no unla; Inrûknaah hin sabeina seh no rei. Richongnahei a hong pung khomin, Amakhan ringat no rei.

¹¹Pathianin voika nêka tam â sîr ki riat tâk a; Sinthotheina chu Pathian ta a nit.

¹²O PUMAPA, lungkhamlianna hi ni ta a nit a, Mi tin an sintho angkah takin nî thung chit ngai a nit.