Read Biete LAPUI 63 Bible Online

LAPUI 63 - Biete bible

LAPUI 63

¹ Davida Lâ: Judai ramchâra a om lâia mi O Pathian nang chu ki Pathian ni nit a; Ṭhatnemringai takkan nang zong nang zong ki ti. Ram iṭôl tak tui om nona angkah hin; Ki ringna hi nangma ringaiin arhâl a; Ki takpum hin nang a irngai a nit.

²Khaangkan ni sinthotheina neh ni roinpuina mu rangin, Ni mun rithiangah nang ki en mai a.

³Ni lungkhamlianna chu ringna nêkan a lut ual a, Khasikin, nang inpâk mai ki ti.

⁴Ki ring kongkârkah nang inpâk ki ta; Ner ming ichingin ki kuthei ni tiang phar ki ti.

⁵Ki ringna hi rithling neh sathâiheia ruai iṭhe angkan khop a ta, Ki bâi hin ifân siamkan nang inpâk a ti.

⁶Ki zâlmun kungah nang ki riat mai a, Zân thluanin ni chungchâng thu ki ngaitua ngai.

⁷Nang chu ne ṭangpuitu ni lei nit mai ngai a, Ner thla nuaiah khan râifânin zâi ki ti.

⁸Ki ringna hin nang arnêl mai a, Ni kut changtiang ni ne tûk inrichel ngai.

⁹Ki ringna inrimang ituma zongtuhei rêk chu, Rinêng thua sarika nuaiah khan lût an ti.

¹⁰Khandai sinthotheina ziangah ipe nîng an ta, Sihalhei rangtum ni tâng an ti.

¹¹Rêng chu Pathianin nêna a pêk sikin râifânin lôm a ti. Pathiana ṭongrikhâmhei murdi khan ani chu chôiinrisâng an ta, Khanniseh, milak itho ngaihei bâi chu ihupin om a ti.