Read Biete LAPUI 7 Bible Online

LAPUI 7 - Biete bible

LAPUI 7

¹Davida Inpâkna Lâ O PUMAPA, ki Pathian, ni ziangah ki hong ribâng; Ner zûltuhei kuta rithokah hin ne san inla, nen zôk roh.

²A nitnon chu sakeibaknei angkan ner pûng an ta; Sanisuatu om loiin an ne isânphor rang a nit.

³O PUMAPA, ki Pathian, Hi thil hih kî tho a nit a, Tu chungah khom ṭhano takkan kî sin a, Ki mal khom kî phial a; Dikino taka ke râlhei inzôk manih ki nitin chu,

⁵Ke râlhein ner zûlin ne môk sela, Ki ringna hi rinêngah chîlpol sela; Ki roinpuina khom hi ipil kârah phûm riseh.

⁶O PUMAPA, ningmurin thoi inla, Ke râlhei ningthikpût itho doiin rithok roh; Nangmah ngêi rithok inla, ne ṭangpui roh, Dikna hi nangman nî zong ngai a nit.

⁷Khanchu, mi tin ni kôlah hong bûm nôk inla; Chungtianga rithokin[3] an chungah roirêl roh.

⁸PUMAPA, nang chu mi tin roirêltu ni nit a; O PUMAPA, keimah chu mi dik neh mi lungril iṭha ki nit lam angka takin, Roi ne rêl pêk roh.

⁹Nang chu Pathian dik tak ni nit a, Kin lungril neh ngaituanahei fia roh. Mi siahei siatna khah inmong inla; Mi felhei chu indetin ṭhatvur roh.

¹⁰Pathian chu ne hoitu a nit a; Ama thu ôituhei chu a saninring ngai.

¹¹Pathian chu roirêltu fel tak a nit a; Ani chu mi siahei thiamno inchang mai ngaitu Pathian a nit.

¹²An lampui rô an kîr nôk non chu Pathian khan a khandai itât inngaih a ta; A thalngul khom ikamin tin ṭian a ti.

¹³Thina riamreihei ilek a ta, A thal ichokah khan tin ṭian a ti.

¹⁴En ta, mi sualhein thil ṭhano an ngaitua tlia so! Buaina an phan a, milak an mang ngai.

¹⁵Nikhomsela, mi ôkna rang an châng kamah khan, Anmani ngir an iôk tâk a.

¹⁶An thonsualna kha an chungah ngir a hong kîr nôk a, An narsasiatna khom an chungah ngir ai tlâk nôk a nit.

¹⁷PUMAPA chu a felna sikin a ziangah lômthu isîr ki ta, PUMAPA, ân chungtak inpâkin zâi ki ti.