Read Biete LAPUI 76 Bible Online

LAPUI 76 - Biete bible

LAPUI 76

¹Lâ: Asafa Inpâkna Lâ Judai ramah khan Pathian an riat a; Israelhei khan arming an chôiinrisâng ngai.

²Jerusalemah khan a in a om a; Ama omna chu Zion a nit.

³Amakhan irâlhei thal chu â khiak a; An ipho neh an khandaihei, An râlthlukhei chu â siat pêk chit ngai.

⁴O Pathian, nang chu ni roinpui vang na! Irâlhei ne nêna tlânga rithoka, Ni zuang kîr nôk chu ni roinpui tak tak reng na!

⁵An pasalṭhahei râlthluk an khêng pêk riai a, An idal pheng phung tâk a. Râlpahei murdi tute an kut ilek thei om khâi mak.

⁶O Jakoba Pathian, nangman ni hang râiin chu, Sakor neh a chunga chuanghei chu an idal phar tâk.

⁷Nangmah, nangmah ngêi hi iṭi rang ni nit a, Ni ning a thikin ni maah tûm â ding ngam ranga?

⁸Ni thu rêl chu rivâna rithokin nen riat a; Rinêng hin a ṭi a, a dâirek tâk a,

⁹Rinênga mi ngêpsia tuanghei inzôk ranga, Roi irêl ranga ni zuang rithok lâiah khan.

¹⁰Miriam ningmurna chu nangma chôiinrisâng ualna bang a nit a; Risualnaa zôkhei khan ni ruaiṭhe chu sunzom mai an ti.[37]

¹¹PUMAPA nin Pathian ziangah nin ṭonginkung len rei; A vêla omhei khan Ṭiomah hi an thilpêkhei hong chôi pêk riseh.

¹²Ani khan roirêltuhei ihâina kha sât isat a ta; Ani chu rinêng rênghei rangah khan iṭiom a nit.