Read Biete LAPUI 77 Bible Online

LAPUI 77 - Biete bible

LAPUI 77

¹Asafa inpâkna Lâ Pathian chu isam ki ta; Iring takkan Pathian chu isam ki ta, Khanchu, ani khan ki tiang â kuar sung a ti.

²Ki lungzîng nî-a khan PUMAPA chu ki zong a; Ke bân iphar pumin zân khovârin ki ṭongṭai ngai a; Nikhomseh, ki ringna hi arthla ringam thei mak a.

³Pathian tiang ki ngaitua zoron ki buai ngai a; Ki ngaituan ker tha hi arzal nêng ngai.

⁴Zân thluanin a nen meng mai a; Ṭong thei loi rakkan ke lung a zîng ngai a.

⁵Tianlâi sûnhei ki ngaitua a, Tianlâi kumhei ki riat leng a.

⁶Zânah ki ngaitua, ki ngaitua a, ki sût vêl a, Keimah neh keimah ker don a, Ker thla khomin takritâi takkan a zong ngai a:

⁷“PUMAPA khan kumkhuakan a ne îthla rang tâk mani o? Tiklâi khomin a ne ilôm nôk khâi ino rang mani o?

⁸A lungkhamlianna chu ai boi thal kumkhua rang tâk mani o? A ṭonginkung chu suanpâr idênin ai boi rang tâk mani o?

⁹Pathianin a lungkhamna kha a irngil tâk mani o? Ningmurin a lungkhamna chu ai khâr tâk mani o?” ki ti a.

¹⁰Khanungchu, hingkan ki ti tâk a, “Ke lung natna tak chu, Ân chungtaka sinthotheinahei ai danglam tâk hi a nit,”[38] ki ti a.

¹¹PUMAPA, ni sinthohei kha remai ki ta; A nit, tiana ni sintho rikhêlhei remai ki ti.

¹²Ni sinthohei murdi kha ngaituang ki ta; Ni sintho roinpuihei sût ki ti.

¹³O Pathian, ni lam chu arthiang a,[39] Nangma angkana roinpui hi pathian dang tute omak.

¹⁴Nang chu sinrikhêlhei isin ngai Pathian ni nit a; Nam tin ziangah khan ner thaneizia nen lang ngai.

¹⁵Nangman ne bânin ni mihei ni sanisua a, Jakoba neh Josefa richihei chu.

¹⁶O Pathian, tuihei khan nang an mu a, nang an ṭi a, A nit, tui inthûk takhei chu an inthing tâk a.

¹⁷Sûmhei khin rua an insûr a; Rivâna rithokin khuarî a tho a, Kil tinah khothlâr arlek a.

¹⁸Ṭoirua risoi khan khuarî kha ân rî a, Khothlârhei khan rammual hi a el zap zap a; Rinêng hi inîngin arsoi dur dur a.

¹⁹Tuipui risok chungah khan ni lôn ngai a; Tuikhanglian khom ner fang suak a, Khanniseh, ni ke nung imuh thei ni mak.

²⁰Mosia neh Arona kut imangin, Ni mihei chu bera lôm angkan ni kâiruai tâk a.