Read Biete LAPUI 79 Bible Online

LAPUI 79 - Biete bible

LAPUI 79

¹Asafa Inpâkna Lâ O Pathian, iam ino namhei hin ni ram an rûn a; Ni Biak In rithiang hi an innim a; Jerusalem khom ichim rem rum kan an mâk tak.

²Ni mihei ruak chu vasatelhei bu rangin an mâk a, Ni mi rithianghei sa chu ramsahei fâk rangin an imâk a nit.

³Ni mihei thisen chu Jerusalem vêlah hin tui angkan an inluang a; Anmani phûm rang lak tute om khâi mak a.

⁴Kin kôla namhei sîrinsiatin kin om tâk a; Kin vêla om mihei musit neh nuison kin hong om tâk a.

⁵O PUMAPA, kumkhuakan ni ning ai thik mai rang mani? Ni theimâkna chu mei angkan ai chok mai rang mani?

⁶Nangma riano namhei chungah hin ni ningthikna chu bun inla; Nangma riming rilam ino ram chungheiah hin.

⁷Ni mihei chu an that inrimang a; An omna chu an inram zoi tâk a.

⁸Kin chibulhei siatna kha keimani chungah chu remai non la; Atûnah hin ni lungkhamna khan ne don sela, Natinsat takkan kin chan ai siat tâk a nit.

⁹Ne saninringtu Pathian, ne zuang san inla, Nangma riming roinpuina rangin ne ṭangpui inla; Nangma riming sikin ne saninzôk inla, Kin sualhei ne zâ roh.

¹⁰Nam danghei khan îtho rang im, “Nin Pathian chu taktiang im ai om tâk,” an ne iti rang hi? Ni suakhei thisen isuatu nam chungah khan, Kin mitmu ngêiah phuba chu zuang la roh.

¹¹Mi tânghei irung chu ni ziang hong tlung sela, Ni sinthotheina lian angkah takin ithi ranga inkunghei chu inzôk roh.

¹²O PUMAPA, kin kôlvêla namhein nang an isîr insiatnahei kha, A bâk sarikan thung roh.

¹³Khanchu, keimani, ni mihei, Ni ran vâina muna bera lômhei hin, Kumkhuakan lômthu nang ril kin ta; Suanpâr tin tin idênin nang inpâk mai kin ti.