Read Biete LAPUI 8 Bible Online

LAPUI 8 - Biete bible

LAPUI 8

¹Davida Inpâkna Lâ O PUMAPA, kin Rêngpa, Rammual pumpuiah ni roinpuizia chu ân thang vang na! Nangma inpâknahei chu rivân risâng tak a tlung tâk.

²Naipanghei neh naitesenhei isakah khan. Nangma nang idoituhei sikin zôkna kulpui nen ding a; Phuba latuhei murdi nen ringam tâk.

³Rivân ni thilsiamhei, ithla neh ârsi an mun chita nî siahei ki thlîr zoron chu,

⁴Miriam hi im a nit a, nî riat leng leng; Miriam naipa khom hi im a nit a, Nî donsui mai ki ti ngai.

⁵Ani kha nangma nêka innuai viat[4] bangin ni siam a; Roinpuina neh chôiinrisângna nen khum a.

⁶Ni thilsiam chungah thuneitu rangin nen kung a; Thilsiam tinrêng chungah nangman ni sia tâk a;

⁷Bera neh ran lôm murdihei, A nit, ramsahei khom khah;

⁸Chungavuang ivahei neh tui sunga ingahei neh, Tuikhanglian sunga mîring iom murdihei khom.

⁹O PUMAPA, kin Rêngpa, Rammual pumpuiah ni roinpuina chu ân thang vang na!