Read Biete LAPUI 82 Bible Online

LAPUI 82 - Biete bible

LAPUI 82

¹Asafa inpâkna Lâ Pathian chu pathianhei[45] inkhôm lâiah â ṭhung a; An lâiah roi a rêl a;

²“Itena sôt im dik ino takkan roi nin irêl a; Mi pualoihei ithlopin thleibîk nin inei rang?

³Inrianghei neh pa nei inohei roi thlop unla; Dengintheihei neh risamhei chungah idik rei.

⁴Rât ino neh ṭangpui ringaihei san unla; Mi siahei kut ata saninzôk rei.

⁵Riatna zel nei mak a, riatthiamna khom nei mak e, Izîngah an rivâk an rivâk a; Rammual ringatna tak dikna kha an innîng tâk a.

⁶‘Pathianhei nin nit a, Nin rêngkan Chungnungtaka naihei nin nit,’ kî ti kha.

⁷Nikhomsela, miriamhei angkah ngirin thina nin chungah la tlung a ta, Mi lian khatka angkah ngirin la lîr nin ti,” a ti a.

⁸O Pathian, thoi inla, rinêng chungah hin roi rêl roh; Nam tinrêng hi ni ta an nit.