Read Biete LAPUI 84 Bible Online

LAPUI 84 - Biete bible

LAPUI 84

¹Kora naipahei inpâkna lâ O Tinrêngthothei PUMAPA, Ni omna chu a hoiin ringai a om vang na!

²Ki ringna hin PUMAPA Biak In rikul sunghei chu arngai bâk bâk a, A nit, a irzalpui rak a nit. Ki ringnun pumpui hi Pathian iring inpâkin ilômin ai zâi a nit.

³O Tinrêngthothei PUMAPA, ki Rêng neh ki Pathian, Ni mâichâm bulheiah khan, Vasakhein ribu an kâi a; Peloihei khomin an têhei siana rang ribu an nei a.

⁴Ni Ina omhei chu an ham a ṭhat vang na! Nangmah chu nang an inpâk mai a.

⁵Nangmaa râtna nei mi chu a ham a ṭhat e, A lungril Zion panna lam ilianheia omhei chu.

⁶Ṭapna varuam iṭôl [46] an rô lâiin, Tui itui tuinâr omnahei a chang pêk ngai a; A nit, rua tui thla masa khan a tuikuang ân sip ngai.

⁷Râtna rithokin rât nôk ualnaah an fe ngai a; Zionah khan pathianhei Pathian chu mûng an ti.

⁸O PUMAPA, Tinrêngthothei Pathian, ki ṭongṭaina hi ringai inla, O Jakoba Pathian, ne kuar ne sung pêk roh.

⁹O Pathian, kin ipho, en ta; Ni siriak inrithu-ah hih ditsak roh.

¹⁰Ni Biak In rikul sunga sûnka om hi, Mun danga sûn sângka om nêkan a ṭhat ual a; Mi siahei puan inheia om nêkan chu, Ki Pathian inkot ingâktu[47] chang ker thlang ual.

¹¹Kin ta rangin PUMAPA Pathian chu inî neh ipho a nit a, Ani khan ditsakna neh roinpuina ne vur a ti. PUMAPA khan lungril idikhei ta rangin, Thil iṭha rêng rêng thloi ngai mak e.

¹²O Tinrêngthothei PUMAPA, Nangmah-a iamna ringat mi chu a ham a ṭhat vang na!