Read Biete LAPUI 94 Bible Online

LAPUI 94 - Biete bible

LAPUI 94

¹O PUMAPA, phuba lah ngaitu Pathian ni nit, Phuba lah ngaitu Pathian zuang ilang ta roh.

²O nangmah rinêng chung roiirêlpêktu, thoi inla; Mi lârripâkhei chu an sual man angkah takin thung roh.

³O PUMAPA, mi siahei chu itena sôt im an ilôm rang? Mi ripâkhei chu itena sôt im an irpâk rang?

⁴Anni chu an ṭong pai pai a, ṭong chanlamboi an ril a, Mi siahei murdi chu an irsong a nit.

⁵O PUMAPA, ni mihei chu an itôk inrinôi a; Nangma mihei chu an ngêpsia ngai.

⁶Numeihei neh farahei chu an that a, Ram dang mi kin rama omhei khom an that ngai a.

⁷“PUMAPA khan mu no ni a; Israelhei Pathian khan reh no nih,” an ti ngai.

⁸Miriam lâia mi inmôl bîkhei o, rethiam rei; Mi intlohei, tikin im nin lai vâr rang tâk na!

⁹Pathian, ikuar isiamtu khan ai riat ino rang mani? Mit isiamtu khan ai mu no rang mani?

¹⁰Nam tin isôitu khan kuttum ai tho thei ino rang mani? Miriamhei vârna inriseitu khan ai riat thei ino rang mani?

¹¹PUMAPA khan miriam lunginṭong a riat riai a, Chanlamboi korong a nit iti ai riat a nit.

¹²PUMAPA khan mi a îsôihei neh, A dân a înriseihei chu an ham a ṭhat vang na!

¹³Lungzîng nikhuaheiah sôldamna a pêk ngai a, Mi pualoihei tlâkna rang dîp ichoi a nit mai lâiah khan.

¹⁴PUMAPA khan a mihei chu phial tlak no ni a; Ama tahei chu marak no nih.

¹⁵Roirêl munah khan dikna chu om nôk a ta, Lungril dik tak riput murdi khan amakhah zui an ti.

¹⁶Tûm keima ranga mi siahei idoi rang? Mi siahei idoi ranga ki tianga ṭang rang?

¹⁷PUMAPA chu ne ṭangpuitu ni no sela chu, Ki ringna hi irang takkan mun inthim valnah[50] ai om rang tâk a nit.

¹⁸“Ki îlîr rang tâk,” ki ti lâiah khan, O PUMAPA, ni lungkhamlianna khan a ne tûk a.

¹⁹Ki lungrilah ngaituana itam takkah ki nei lâiah khan, Nangma thlangamna khan ki ringna hi ân lôm a.

²⁰Roirêltu dik ino chu ringai thei mak che a, Dik ino taka rêl hi balama nei ngaitu neh khan.

²¹Mi dikhei ringna lâk itumin an ribûm ngai a, Mi ningsiat sin inohei chu thiamno an inchang ngai.[51]

²²Nikhomsela, PUMAPA chu ki kulpui risâng a nit a; Ki Pathian chu ki zôkna lungpui a nit.

²³Ani khan an sualna sikin kuttum thông a ta, An siatna sikin inrimang a ta; PUMAPA, ei Pathian khan inrimang riai a ti.