Read Biete LAPUI 95 Bible Online

LAPUI 95 - Biete bible

LAPUI 95

¹O hong unla, PUMAPA inpâkin râiifân takkan zâi ei ti u; Ei saninringna lungpui chôiinrisângin râiifân takkan ipâi ei ti u.

²Lômthu sîrin a makungah fêng ei ti u; Inpâkna lâ saka amah chôiinrisângin râiifân takkan rôl isuang ei ti.

³PUMAPA chu Pathian roinpui tak a nit a, Pathian murdihei chunga rêng roinpui tak a nit.

⁴Ama kutah khan rinêng mun inthûk takhei chu a om a, Tlâng sîp risâng takhei khom a ta a nit.

⁵Tuikhanglian hi a ta a nit a, ama isiam a nit; Mual tlânghei khom hi a kut suak a nit.

⁶O hong unla, chubai iûnin ikhûn ei ti, PUMAPA ne siamtu makungah rikhûk dil ei ti u.

⁷Ani chu ei Pathian a nit a; Ei ni hi a sa vâina muna mi neh a kuta berahei chu ei nit. Vuanah hin a rôl hih lei reh ta unla chu o!

⁸“Meribaa an itho angkah khan nin lungril khah inkhir no rei, Massa ramchâra an itho angkah khan.

⁹Kha munah khan nin chibulhei khan an ne fia a, An ranga ki sintho an mu nung khomin an ne ifia a nit.

¹⁰Kum sômilika sung chu kha rikhûkhei chungah khan ke lung hoi mak a, ‘Mi tuklul ilian an nit a, Ki thupêkhei khom uksak mak e’ ki ti a.

¹¹Khasikin, ‘Nangni ki pêk rang, ringamna ram kha, lua tlak no tin u,’ itin, Ningmurin ṭong ken kung tâk,” ai ti kha.