Read Biete LAPUI 96 Bible Online

LAPUI 96 - Biete bible

LAPUI 96

¹O PUMAPA inpâkin lâ thar sak unla; Rinênga om murdihei, PUMAPA inpâkin zâi rei.

²PUMAPA inpâka lâ thar isakin arming chu chôiinrisâng rei; Nîn tin a saninringna thu hi inpuang rei.

³Nam tin lâiah a roinpuizia ril unla, Mi tinrênghei lâiah a sinrikhêl thohei chu inpuang rei.

⁴PUMAPA chu a roinpuia, roinpui takka inpâk rang a nit; Pathian murdihei nêka marit itho rang a nit.

⁵Nam dang pathianhei chu mirmil an nit a; PUMAPA chu rivânhei isiamtu a nit.

⁶Roinpuina neh chôiinrisângna khan a hual vêl a; Râtna neh ṭhatna chu a mun rithiangah a om.

⁷Nam tina chi tinrênghei o, PUMAPA chu inpâk unla, PUMAPA roinpuina neh râtna chu inpâk rei.

⁸PUMAPA riming roinpui chu inpâk mai unla; Thilpêk ichôiin a Biak In sungah khan hong rei.

⁹O, rithiang enhoina ribelin PUMAPA chu chubai ûn unla; Rinênga om murdihei, a makungah iṭi pumin ikhûn rei.

¹⁰Nam tin lâiah khan, “PUMAPA chu rêngin â ṭhung a; Inîng thei loi rangin rinêng hi ân ṭhung indet a; Ani khan thleibîk nei loiin mi tin roi rêl pêk a ti,” ti rei.

¹¹Rivânhei khi ilôm takkan om sela; Rinêng khom hi râiifân takkan om riseh. Tuikhanglian neh a sunga om murdi hih irî vung vung riseh.

¹²Loima neh a sunga om murdi hi ilôm takkan om sela; Mual tlânga thing murdi hi râifânin zâi an ti.

¹³PUMAPA chu rinêng roiirêl ranga a zuang tikin chu, Rammual chungah idik takkan roi rêl a ta, Idik neh ifel takkan mi tinrêng roi rêl pêk a ti.