Read Biete LAPUI 97 Bible Online

LAPUI 97 - Biete bible

LAPUI 97

¹PUMAPA chu rêngin â ṭhung e, Rinêng hi râiifân takkan om sela; Tuihualhei chu ilôm takkan om riseh.

²Sûmhei neh izîng isâ khap chu a vêlkan a om a; Felna neh roirêl dikna chu a rêngṭhungmun ringatna a nit.

³A maton tiang mei a fe a, A kôlvêla ama doituhei chu a kâng inrivâm ngai.

⁴A khothlârhei khan rammual hi a el zap zap a; Rinêng hin a mu a, ân thing a.

⁵Itlânghei chu khuailu angkan, PUMAPA makungah a zor zoi tâk a, Rammual pumpui hi PUMAPA makungah khan.

⁶Rivânhei khin a felna an inpuang a; Mi tinrêng khan a roinpuizia an mu a.

⁷Mirmil chubai iûntuhei chu mualinphoiin om an ta. Mirmil isiamtuhei murdi neh pathian dang murdihei khom A makungah ikhûn an ti.

⁸Zion naihei khan an lei riat a, an lôm a, Juda ram mihei chu râiifân takkan an om a; O Pathian, ni roirêlnahei sikin.

⁹O PUMAPA nang chu rammual pumpuiah ân chungtak ni nit a; Nang chu pathian dang murdi nêkan ni închung vit a nit.

¹⁰PUMAPA khan sual inelhei chu lung a thlung a; A mi rithianghei ringna chu a vong inṭhat ngai a; Anni chu mi siahei kut ata a sanisua ngai.

¹¹Mi felhei rangin kôl a hong risam a, Lungril diktak ripuhei rangin lômna a hong tlung a.

¹²Mi felhei o, PUMAPA-ah khan lôm unla; Ama riming rithiang chu inpâk rei.