Read Biete LAPUI 99 Bible Online

LAPUI 99 - Biete bible

LAPUI 99

¹PUMAPA chu rêngin â ṭhung a; Mi tin chu an inthing tâk a. Ani chu Cherubhei chungah â ṭhung a; Rinêng hi â nîng dur dur a.

²PUMAPA chu Zion chungah khan roinpui tak a nit a; Mi tinrênghei chungah khan ân chungtak a nit.

³Arming roinpui tak neh inrît tak chu mi tinin inpâk riseh; Ani chu Rithianga a nit.

⁴O, Rêng inthang tak, dikna ner ngaiinnat a, Nangman chu thleibîk neinona nen det ngai a; Nangman chu Jakobhei lâiah dikna neh felnan roi ni rêl a.

⁵PUMAPA ei Pathian chu chôiinrisâng unla; A ke bulah khan rikhûk dil rei. Ani chu Rithianga a nit.

⁶Mosia neh Arona kha a thiampuhei an nit a, Ama riming rilamtu Samuela a nit; Anni khan PUMAPA chu an isam a, Ani khan a lei sâm ngai a.

⁷Sûmpuala rithokin an ziangah thu â sîr a; A thupêkhei neh a dânhei kha an zôm a.

⁸O PUMAPA kin Pathian, nangman anni chu ni sâm a; An thonsualnaah kuttum tho ngai man inla, Nang chu anmani ngaidamtu Pathian ni nit.

⁹PUMAPA, ei Pathian hi chôiinrisâng unla, Â tlâng rithiangah khan chubai ûn rei. PUMAPA, ei Pathian chu arthiang a nit.