Read Biete THUVÂRHEI 18 Bible Online

THUVÂRHEI 18 - Biete bible

THUVÂRHEI 18

¹Mi, mahni khât banga om nuam khan marangṭhat bang a riat ngai a; mi murdîn thudik an iti kha ipom ngai mak e.

²Intlo khan chu riatthiamna a nei neh neino uksak ngai mak a; mihein mi vâr ne ti riseh itia a lungrila om isîr bang kêng ai nuam ngai.

³Sualna neh mualphoina munkan an fe ngai. Mualphoina a omin chu ngona bang tongna a nit.

⁴Mi, a bâia thu suak chu tui iluang angkah hi a nit a, vârna tuinâr chu inthûk tak a nit.[13]

⁵Mi sual iditsak ṭha mak a. Roirêlnaa mi fel iheng khom ṭha mak e.

⁶Intlo khan rikhalna a phutin chu kuttum ai zong a nit.

⁷Intlo a ṭongin chu ama rimangna a nit a; ama ṭongbâi suak chu ama ôkna rang châng a nit.

⁸Ṭong bufûn ier chu a hoi a, ingkana ringai nuam ai om rai tâk im na!

⁹A sinthoa mi thaboi chu mi inrimangtua inzirpui a nit.

¹⁰PUMAPA chu kulpui idet tak angkah a nit a; mi felhei an itlân lûta an zôk ngai.

¹¹Richonghein chu an richongna khan khopui kulbang idet tak angkan a îhoih thei an sôn ngai.

¹²Tukhom arngaiintlôm non chu chôiinrisângin om ngai mak a; mi risonghei chu rimangna lampuiah an om ngai.

¹³Ni sâm man ringai bak roh. A nit non chu invêt lona neh mualinphoina nîng a ti.

¹⁴La ring nuamna khan damno lâiin itun ngir a ta; nikhomsela, lungril a popin chu sabeina boi a ti.

¹⁵Tiklâi khomin mi vârhei chu risei an nuam ngai a; mi bengvârhei khan riatna an zong ngai.

¹⁶Mi lian imu nuamin chu thilpêkin lampui â ong pêk ngai.

¹⁷Ama thiamthu sîr masatu chu ardoipuitu khan â sîr nôk mâkah chu â dik angkan â lang ngai.

¹⁸Mi lianhei an rikhalin chu thlasânin an thubuai an infel thei ngai.

¹⁹Nen zirpui san inla, ani khan kulpui idet angkan nang ihoi a ti. Ner ngopuiin chu a in nang khâr pêk a ti.

²⁰Mi a ṭongbâi suak irâah khan ring a ti.

²¹Ni ṭong khan ringna a sunghual thei a; ni ṭong ngir khan ringna â siat inrimang thei. Khasikin, ni ṭong irâ khah fah ngêt ni ti.

²²Nupui imu khan chu thil iṭha tak ai mu a nit; PUMAPA khan a ditsakna a înlang a nit.

²³Mi inriang a ṭongin chu marit takkan a ngên ngai a, richong rêkin chu inrum ngitkan a sâm ngai.

²⁴Rual ṭhenkah chu rual pipai an om a; nikhomsela, rual ṭhenkah chu mahni inzirpuihei nêka iamiom ual an om.