Read Biete THUVÂRHEI 5 Bible Online

THUVÂRHEI 5 - Biete bible

THUVÂRHEI 5

¹Ki nai, ringai inla, ki vârna neh ki riatna tiang ne kuar sung roh.

²Khanchu, omdân iṭha hong riang ni ta, ni ṭongbâi suak khan riatna nei mi ni nit iti inlang a ti.

³Nupui insual mûr kha khuaitui angkah dôra thlumin, â dang khom oliv riak angkan rinâl a ti;

⁴nikhomseh, a nungkhôn chu ngaisiatna neh dengtheina ti no nang mah pêk no nih.

⁵Thina ram tiang nang ṭhui a ta; a lampui lônna chu thina lam a nit.

⁶Ringna lamah khan lôn mak a; nikhomseh, îte reh loiin a îvâi a nit.

⁷Atûnah hin ki naipa, ki thu ringai inla, ki bâia thusuakhei hi ringil tlak no roh.

⁸Khangkana nupang zianga rithokin rikiang inla; a inkot kôl khom va nâi no roh.

⁹Khanonchu, ni roinpuina kha mi danghein nei an ta, ni vânglâiin mi nunsiahei kutah rimang ni ti.

¹⁰A nit, ram dang mihei khan ner chon murdi lah riai an ta, ni sinsôlna râ kha mi dangin dong an ti.

¹¹Ni sûn nungkhônah chu ni zâlmunah irung ni ta, ni taksa neh ni takpumhei ifân rimangin om a ti.

¹²Khanchu, “Ithôm ki lei risei no? Ithôm mi danghei ne rilna ki lei ipom no?

¹³Nen riseituhei thu lak lei ôi ngai mang a. An inriseina tiang lak ke kuar lei sung ngai mang a.

¹⁴Khasikin, voikazelin mipui lâiah mualinphoiin kî om tak a nit hi,” la tîng ni ti.

¹⁵Ni nupui chungah iamom inla, amah bang ni lungthlungna peh roh.

¹⁶Nupang danga rithoka nai nî nei khan îte ṭhatna nang isua pêk no nih.

¹⁷Khualmihei ta rang ni loiin, ni ta rang bangin ni naihei kha an seilian rang a nit.

¹⁸Ni nupuiah khan lôm inla, ni vânglâi nupui ziang bangah khan lômna zong roh.

¹⁹Sazuk intuai tak neh ditiom tak angkan a ditomna khan nang inlôm sela; a lungthlungna khan nang hual vêl riseh.

²⁰Ki naipa, ithôm nupang dang ziangah ni lungthlungna nî pêk rang? Ithôm mi dang nupuihei ditomna kha ni irthlang ual rang?

²¹PUMAPA khan ni sintho tinrêng a mu riai a. Ni fena tinah nang ai en ṭian a nit.

²²Mi pualoi sualnahei kha châng a nit. Ama sualna lên ngêiah khan â ôk ngai.

²³Mahni risôi thei nona sikin thîng a ta; ân vêt raina sikin rimang a ti.