Read Biete THURILTU 6 Bible Online

THURILTU 6 - Biete bible

THURILTU 6

¹Hi rammualah hin dik nona natinsat tak itho a nit iti ki mu a.

²Pathianin mi ṭhenkah chu richongna hei, sum neh puan hei, maritomna hei a pêk a; a nit, kha mi khan ai nuam murdi chu îte risam nei mak a. Khanniseh, Pathianin kha mi khan khahei murdi khah a mang rangin ai phal pêk ino kêng ai nit, kha nêkan riatloi mi khan a hong dong riai tâk a. Hi khom hih chanlamboi a nit, tuang inkhôk tak a nit.

³Mîn nai rizakah nei sela, kum itam takka dam sela; khanniseh, a damlâi sûn râifânna mu no sela, marita phûm khom lo no sela chu, kha mi nêkan chu ramtea thi khom a ṭhat ual, kî ti a nit.

⁴Naite a zuang isuak kha â tlong a nit a; izîngah armang nôk zel a, ringil rip ai nit ngai a nit.

⁵Sûn nîsa vâr mu mak a, ringnun hi ingkam ai nit khom reh mak a; khannisela, ringamna chu ai mu ual a nit.

⁶A nit, kum sânginika ten khom idam a, ringnun râifânna zel mu notu nêkah khan chu ai ṭhat ual a nit. An ruaikah khan mun khatka tah an ife seng seng rang a nit a.

⁷Miriam sinsôlna murdi chu a rôl rang bang a nit a; khanniseh, nuam dôr nei ual no nih.

⁸Mi vâr hih mi intlo nêkan im rifena a om ual a? A nit nole, ringnun mang rang dân a riat sikin mi inriang ta rangin im rifena a om?

⁹Hi khom hih chanlamboi a nit a, phâivua rizûl angkah a nit. Rizuka kuatinkam mai nêkan chu mahni thil neia lungintluk hi ai ṭhat ual a nit.

¹⁰Thil hong iom tinrêng hi tianlâia lei inkung thlâm tâk a nit a; miriam nitna zepui khom hi iria sai a nit; ama nêka roinpui ual chu rikhalpui ngai mak e.

¹¹Rikhalpui tak tak khom sela chanlamboi a nit a, a ta rangin rifena îte om ual no nih.

¹²Mi a ringnun sûn sôt ino te, mangmunboi, rilîm angkana boi nôk zel ngai ta ranga thil iṭha tak kha tûm â reh thei rang a? Inî nuaiah hin ei thi nunga thil hong iom rang kha tum â ria?