Read Biete LÂHEI LÂ 2 Bible Online

LÂHEI LÂ 2 - Biete bible

LÂHEI LÂ 2

¹Kei chu Saron phâia ros pâr neh, Phâizôl lilipâr angkah hi ki lei nit e.

²Nungâkhei lâiah, ki lungthlung tak chu, Riling kâra lilipâr angkah hi a nit.

³Ki lungdi chu, tlangvâlhei lâiah, Rampui thing kâra appil kung angkah hi a nit. A dâilîma ṭhung ihoi ki ti, Â râ chu ki bâiah a thlum vang na!

⁴A ruaiṭhe chontanah khan a ne ṭhui a, A lungthlung puanzâr kha ki chungah a zâr a.

⁵Greproi khan ritha tharin a ne siam a, Appil thei khan a nen har a, Lungthlungna khan ker zual zoi tâk a.

⁶A kut voitiang kha ki kham a, A kut changtiang a ne kua a.

⁷Nangni kî ngên a nit, O Jerusalem nainuhei, Sarza neh sazukpui riming ichingin kin lungthlungna hi inbuai tlak no rei.

⁸Ki lungthlungtak rôl ki riat e; Itlângheia zuang itlânin, mualhei zuang ilîmin a zuang e.

⁹Ki lungthlungtak khan a ang sarza, A nit, sazuk tuai a ang e. En roh, â ding ṭian bang bulah, Tukverah khan a ne hong thlîr, Bang ri-ongah a ne hong en dua.

¹⁰Ki lungthlungin a ne sôn e. Ki lungthlung, ki enchim loi, Thoi inla, hong ta roh.

¹¹En ta, phalbi a vun tâk a, Ruatui a châtin arkiang tâk a,

¹²Mual tin tlâng tin heiah pârhei a hong pâr tâk a, Vatehei zâi vôr zoro a hong tlung a, Ṭhuva rôl ithang ngiai ei ramah iria a nit tâk.

¹³Theipui a min thiai tâk e, Grep ruihei a pâr a, a pâr namhoi ar-uai vang tâk e. Thoi inla, ki lungthlung, Ki enchim loi, ki ziangah hong ta roh.

¹⁴Ni ang vang e, lungpui ikak kâra vaṭhu ribi, Ṭên khuruk kâra om chu; Ni mêlṭha ne hong inmun la, ni rôl rivuai â ria ki nuam e.

¹⁵Sihalhei, sihaltehei soh man rei, Sohei son ki grep a pâr lâi tak an isiat zoi duai lôiin.

¹⁶Ki lungthlungtak chu ki ta a nit a, Kei khom a ta ki nit e. Ani khan a bera lômhei kha lilipâr lâia khan ân lêng ngai.

¹⁷Zîng thlifîm a râng e, zân thim a boi ma a hin, Bether tlâng sarza angkan, a nit, sazuk tuai angkan ki lungthlung, zuang kîr roh.