Read Biete LÂHEI LÂ 3 Bible Online

LÂHEI LÂ 3 - Biete bible

LÂHEI LÂ 3

¹Zân tin ki lâikhum chungah ki ngaitua ngai, Ki zong ruai ruai e, ki lungthlungtak chu khan lak tong mang. Ke sam, ke sam e, khan lak ne sâm mak.

²Thoi ki ta, kin vâng khopui rifang ki ta, Kotsuahei neh lamilianheiah khan; Zong mai ki ti; ki lungthlung tak chu, Ki zong ruai e, khan lak tong mang.

³Khopui vêngtu fe vêlhei khan an ne mu a; Ki lungthlung tak kha nin lei mûm ki ti a.

⁴Anni kha ki khêl zoi kaneh khan, Ki lungthlung kha ki mu a; Ani kha ke tûk khap a, Ki nu inah, ki suakna chontan sung ngêiah, Ani kha ki ṭhui inlût mâkah chu infe khâi no ning e.

⁵O Jerusalem nainuhei, nangni kî ngên a nit, Phûla sarza neh sazukhei rimingin, Kin lungthlungna inbuai tlak no rei.

⁶Meikhû ding angkana ramchâr ata hong hi tûm ai nit na? Rivaimihei namhoi zuar Mura neh Bero namhoi inam vang vang hi.

⁷Rêng Solomona a hong e, a tâlia rizônin, Râlpa sômirukkan an rung khap e, Israel râlpa lâia ṭhabîkhei khan.

⁸An rêngkan khandai lekthiam an nit a, Râlpa tak korong an nit a, An khandai an vong chit a, Zâna hong idoitu lei irung rangin.

⁹Lebanon tlâng thing iṭha ngêia siam tâli sungah khan, Rêng Solomona chu â ṭhung a, an hong rizôn e.

¹⁰A zônfunghei chu tangkarua tuamin, Arkhûna kha rângkachak zâirimia phan, A ṭhungmun kha puan senduka tuam, Jerusalem nuhein takritâi takka an ikhông kha a sung ivonan an imang a nit.

¹¹O Zion nungâkhei hong suak unla, Rêng Solomona chu hong en rei. A nupui nei nî, a lungril lôm nî taka, A nu înkhum rênglukhum ngêi kha a khum e.