Read Biete LÂHEI LÂ 7 Bible Online

LÂHEI LÂ 7 - Biete bible

LÂHEI LÂ 7

¹O mi roinpui nainu, Ni kehei chu pheilôn ribun pumah khan a ṭhat vang na! Ni malpui kha lungilu a ang e, Mi kutthiam tak înnâm angkah a nit.

²Ne lâi khan uain sungna berbu enihoi tak a ang e, Uain inripol sai risam ngai ino angkah a nit. Ni lâi ribu khan a ang e, bu pông, Lilipâr ihual vêl kha.

³Ni ṭângpâr khan a ang, sazukte inphîr, Munka lêng dîl dîl sarzate a ang e.

⁴Ni ringin a ang e, saiha in risâng; Ni mit mengin Bath-rabbim dâikot kôla Hesbona dîl a ang e; Ni nârin ai ang a nit, Lebanon thlîrna in risâng, Damaska khua rungna kha.

⁵Ni lusîpin a ang, Karmel tlâng, Ni lua bâsam khom a hâng zîn e, Ni bâsam ikâi niang khan rêng hi ai zêm a nit.

⁶Ni ṭhatin lungtluk ni om vang na! O ki lungthlung, lômna dontuai ni nit e!

⁷Ni tuaizâi hin itûm thing a ang e, Ni ṭângpâr â râ khû a ang e.

⁸Itûm kunga khan lui ki ta, Â râhei rimal ki ti, Ki ta rangin chu ni ṭângpâr kha grep irâh khû angkah hi a nit a; Ner thuak khan appil inam â nam vang vang e.

⁹Ni bâi kha uain iṭha chi angkan ai thlum a nit. Ki lungthlungtak ta rang uain kha luang zan zan sela, A mûr ngêiah, arkam sungah luang lût riseh.

¹⁰Ki lungthlungtak ta chu ki nit a, Keima tiang a lungril a châm mai e.

¹¹Tho ta, ki lungthlungtak, tlângramah fêng ei ta, Thing tlâng khuaheiah munkan lei riak rei.

¹²Zîng takah thoi ei ta, grep rikulah lêng ei ta, Grep cherrinoihei, armuamhei kha a pâr tâk im, munkan en ei ti. Theisen khom a pâr tâk im munkan en ei ti. Amakhan ki lungthlungna nang lan ki ti.

¹³Zôlaidi namhoi inam vang a ta, Kin kotbâi kôla thei itui chi tinrêng a om e, rimal ilui neh rimal ithar, Ni ta rangin ki lei lâ ngêi ngêi, O ki lungthlungtak.