Read Biete ISAIA 12 Bible Online

ISAIA 12 - Biete bible

ISAIA 12

¹Kha nikhuaah khan chu hingka hin mihein lâ sak an ti: “O PUMAPA, nang inpâk ki ti. Ki chungah hin ni ning a thik a, Khan ni ningthik chu ne ṭhuai a, lungngam ni ne sak tâk a.

²Pathian chu ki saninringna a nit; Amah iam ki ta, ṭi no ning e. PUMAPA ki Pathian chu nen râttu, ki lâ a nit a, ne saninringtu a nit.

³Saninringna tuikuanga rithokin, [7] Râifân takkan tui la thâl nin ti,” itin.

⁴Kha nikhuaah khan chu hingka hin mihein lâ sak an ti: “PUMAPA chu inpâk unla, arming chôiinrisâng rei; A sintho kha namhei iril unla, Arming roinpuizia hi puang indar rei.

⁵A sintho roinpuitak sikah hin PUMAPA chu inpâk unla; Rammual pumpui hi inreh rei.

⁶Zion tlânga om murdihei o, Râifân takkan zâi unla, ipâi dur dur rei; Israel Pathian Rithiangah chu a roinpuia, A mihei lâiah ai om a nit,” itin.