Read Biete ISAIA 20 Bible Online

ISAIA 20 - Biete bible

ISAIA 20

¹Asuria rêng Sargona thupêk angkan an sipai ruaitu liantak[13] khan Filistia mihei khua Ashdod kha a rûn a, a lâk tâk a.

²Hi matona kum ithumkah lei ithleng tâkah khan Amoza naipa Isaia kha a pheikok ikhêng a, a borapuan sil ilîk rangin PUMAPA khan thu a pêk a. Khaangkah takin a tho a; korongboin pheikok khom ribun loiin a om tâk a.

³Ashdod khua an lâk kumah khan PUMAPA khan, “Ke som Isaia chu kum ithumka sung pheikok ribun loiin neh korongboin a om a, amahih Aigupta neh Ethiopia chungrichân risinsiana neh inrikhekna nîng a ti.

⁴Hingkah hin Asuria rêng khan Aigupta mi an imanhei neh Ethiopia mi suaka an iṭhuihei khah, naipang khom, ulian khom, korongboin neh pheikok ribun loiin pinbul ilang ṭiankan ṭhui a ti. Aigupta ram chu ai mualinphoi tak tak rang a nit.

⁵Ethiopia chunga iamna lei ringat a, Aigupta lei isong tak tak ngaihei kha beidongin an ilung zîng tak tak a ti.

⁶Kha zoro a hong tlungin chu hi tuipui rikama om Filistiahei hin, ‘Ei lei itûng tak ngai, Asuria rêng kuta rithoka ne san rang neh ne hoi ranga ei lei irbêlhei hingka ringot hih an nit tâk a na! Eimanitehei hin ingkan im ei khât kutin ei zôk thei rang,’ tîng an ti.”