Read Biete ISAIA 25 Bible Online

ISAIA 25 - Biete bible

ISAIA 25

¹PUMAPA, ki Pathian ni nit; Nang chôiinrisâng ki ta, nang inpâk ki ti. Thil rikhêl itam takkah ni tho ngai a, Tianlâia rithoka ni roisakhei iamom takkan lo ne tluk ngai.

²Khopuihei chu ne siat a, a kulpuihei chu ne sim a, Kin irâl nam danghei rêng inhei kha nen ram a, Sin inṭhat ni nôk khâi no nih.

³Nam irât tak takhein nang inpâk an ta, Nam nunter tak tak khopuihei khomin nang ṭîng an ti.

⁴Inriang neh risamhei khan ne zil an pan a, Lungzîng lâia zôkna kulpui ni nit. An ta rangin thlipui ruapuia rithoka ribîkna, Iluma rithoka dâilîm ni nit.

⁵Thlipuiin banghei ai nam vit vit ngai angkan, Mi nunterhein an hong doi ngai a, Ram iṭôla mei ilum angkah hih an nit. Khanniseh, PUMAPA nangman kin irâlhei nen dâi a, Sûm izîngin kholum a îndâi ngai angka hin, Mi nunterhei khêk irî chu nen dâi tâk a.

⁶Hi Zion tlângah hin Tinrêngthothei PUMAPA khan mi tin rang ruai iṭhe a ti. Fâknêk itui tak tak neh uain iṭha thlum tak takin ruai a iṭhe rang a nit.

⁷Hi tlângah hin mi murdi tuamtu, nam tin rikhû ngai, ngaisiatna sûmpui khah irang takkan inrikiang pai a ti.

⁸PUMAPA Pathian khan kumtluanga rangin thina khah inboi tâng a ti. A mihei mitrithli chu rûnfâi a ta, mihein rammual pumpuia a mihei an nuaisiana chu inboi tâng a ti. PUMAPA ngêi khan ai ti tâk a nit.

⁹Khatikin chu mi tinin, “En ta u, Ani hih ei Pathian chu a nit. Amah ei iam a, a ne înzôk tâk a nit hih. Ani chu PUMAPA a nit hih. Amah-ah khan ei ringat a, atûn chu ei lôm tâk a, a nen zôk sikin ei râi a fân tâk,” tîng an ti.

¹⁰PUMAPA khan Zion tlâng hih vênginzôk a ta, Moab chu bupôl, êk khura an ichîl inrinîk ngai angkah hin chîl inrinîk a ti.

¹¹Tui riliai itum angkan an iban phar an ta; khanniseh, PUMAPA khan mualphoi sak a ta, itho thei nei loiin an kuthei rinîk thal a ti.

¹²Moab kulpui neh an bang risâng tak takhei chu isehchit a ta, ipil kârah isim inkûi pêk a ti.