Read Biete ISAIA 4 Bible Online

ISAIA 4 - Biete bible

ISAIA 4

¹Khatikin chu nupang sarikan ipa khatkah man an ta, “Kin fâk neh kin silbom rang keimanin tum kin ta, kin riming inpôi rang rikhûnan nupuiin ne nei roh,” la tîng an ti.

²Kha nikhuaah khan chu PUMAPA khan thing neh chimu tinrêng incher suak nôk a ta, enihoi neh roinpui tak la nîng a ti. Israel rama la dam suakhei ta rangah khan iṭha neh inik takkan irâ tâng a ti.

³Ziona â thi bânhei neh Jerusalema izuaa la omhei; Jerusalema iring idama om ranga riming riziak murdihei chu, “Mi Rithiang,” ti tâng an ti.

⁴PUMAPA rithla khan Zion mihei chungchâng rêl infelin an porinchena khah risûnfâi a ta, mei ikâng angkan ama rithla khan Jerusalema thisen ikâi chu infâi a ti.

⁵PUMAPA khan Zion tlâng pumpui chungah neh kha muna ribukhei chungah khan sûnah meikhû neh sûm siang a ta, zânah mei ivâr siang a ti. Pathian roinpuina khan khopui chung kha rikhû riaiin a îhoih rang a nit.

⁶Ama roinpuina khah sûn nîsa lum iṭêng raka rithoka dâilîm, thlipui neh ruapuia rithoka ribîkna neh ribêl rang nîng a ti.