Read Biete ISAIA 52 Bible Online

ISAIA 52 - Biete bible

ISAIA 52

¹Har ta, Har ta, O Zion, Râtnan rithluk inla, enhoi roinpuina ribel roh. O Jerusalem, Pathian khopui rithiang, Sertan inohei neh mi porinchehei, Ni sungah lût tlak khâi no nih.

²O Jerusalem, ipil kâr ata thoi lik inla, rithing infâi inla, Rêngṭhungmunah iṭhung roh. O bôia tâng Zion nainu, ni ring ata ringkol khah lîp pai roh.

³Tinrêngthothei PUMAPA khan a mihei ziangah, “Man fah loia suaka zuar nin nit a, khangkah ngirin man peh loia ritlan nîng nin ti.

⁴Aigupta ramah khan chu nangmani nuam thun nin rithon a; khanniseh, Asuriahei khan chu zâlrâtin nangni an ṭhui a, nin man khom îte ipe ni mak e.

⁵Babilonah khom man peh loiin suakin nangni an ṭhui a. Nin chunga roirêltuhei khan risong neh ripâk takkan an ne musitzia an inlang mai ngai a.

⁶Khasikin, zoro la hong rangah khan keimah hih Pathian ki nit iti neh keimah ngêiin nangni ki îsôn a nit iti rianfel tâng nin ti,” a ti a.

⁷Zion zianga, “Ni Pathianin roi a rêl tâk,” iti a, Bôi suakna thu lômom tlâng tina thanginthei a, Ringeina thurchi ṭha hong ithluntuhei ke chu a ṭhat vang na!

⁸Ringai ta, ni khopui ivêngtuhei khêk irî so! Ziona PUMAPA zuang ikîr an mit ngêiin a mu sikin, Râifânin an izâi a nit.

⁹Jerusalem ichim rem rum hei o, Râifânin ipâi dur dur rei. PUMAPA khan a khopui chu ritlan a ta, A mihei chu thlangam sak a ti.

¹⁰PUMAPA khan a bânzâl ritha rithiang mang a ta, A mihei chu inzôk a ta, Rammual pumpuiin mûng an ti.

¹¹Suak rei, suak rei, Babilon hi marak ta rei; Thil porinche [30] rêng rêng tôn no rei. PUMAPA bûrbêl ipêltuhei o, Rithâr rithiang unla, suak rei.

¹²Lâizâm itho angkana fe rang ni mak chei a, Irâl iṭi angkana rithok rang khom ni mak chei. PUMAPA nin Pathian khan nin ma iruai a ta, Kil tinah nangni vêng a ti.

¹³PUMAPA khan hingkan a ti, “Ke som chu a sinthoah lôtluk [31] a ta; Mihein chôiinrisângin marit tak tak an ti.

¹⁴Amah an mun chu mi tam takkan, Arkhêl an iti tak tak rang a nit. An iphop neng sikin miriam mêl khom ripu khâi mak [32] e.

¹⁵Nam itam takkah chu a chungah an ringai rikhêl a ta, Rênghei khomin arkhêl an ti rai sikin ṭong thei no nih. Thil an lai riat tlak ngai ino khah mûng an ta, An lai riat tlak ngai ino khom khah riang an ti.”