Read Biete ISAIA 54 Bible Online

ISAIA 54 - Biete bible

ISAIA 54

¹O, nangmah Jerusalem, nupang iching nai nei ngai ino angkah ni lei nit a, Atûn chu lâ sakin ikhêk suak ta roh. Pasal ineihei nêkan nai nî nei intam ual rang a nit.

²Ni puan-in inrizat inla; A ruihei insei inla, a hêmfunghei indet roh.

³Ni ramrîhei kil tinah inrizat ni ta; Nam dang ilua ramhei chu ni mihein chuan nôk an ta, Khopui iram tâkhei khom mi sip nôk an ti.

⁴Ṭi no roh, mâimôk rilah khâi no tin a; Mualinphoiin om khâi no tin e. Ni vânglâi mualphoina kha ringil tâng ni ta, Numei musitiom tak ni nit lâi khom remai khâi no tin.

⁵Nang isiamtu kha ni pasal nîng a ta, Arming chu Tinrêngthothei PUMAPA a nit. Israelhei ritlantu, Pathian Rithiang a nit a, Rammual pumpui roirêltu a nit.

⁶Israel, nang chu nungâk chang kaneh pasal inei zel a, A pasalin ai mâk a, lungril inah tak tak angkah hi ni nit. Khanniseh, PUMAPA khan nang koi nôk a ti.

⁷“Zoro sôt inote nang ki ṭhen a, Lungthlungna inthûk takin nang koi ikhîr nôk ki ti.

⁸Ki ning a thik tak tak sikin sôt inote nung nang ki song a, Khan kumkhuakan lung nang thlung mai tâng ki ti,” Nangma ritlantu PUMAPA khan ai ti a nit.

⁹“Nova dam lâiah khan rinêngah tui liansâng tho khâi loi rangin ṭong ken kung a. Atûnah hin ni chungah ningthik khâi loi rangin ṭong ki înkung a nit; Nang ingon kuttum khom nang tho khâi no ning e.

¹⁰Mualhei neh tlânghei chim khom seh, Ki lungthlungna chu boi tlak no ni a, Ringeina thuthlung kî siam hih indet mai ki ti,” Lung nang ithlungtu PUMAPA khan kî ti a nit.

¹¹PUMAPA khan hingkan a ti: “O Jerusalem, dengthei ituang a, â san rang nei ino khopui, Thlangam nang isaktu rang nei ino, Safir lung [33] imangin ni lungphûmhei siaminṭha nôk ki ti.

¹²Ni râlrungbûkah rubi lung[34] mang ki ta, Ni dâikothei rangin lung ikhir ritle mang ki ta, Ni kul bang rangin lungilu tak tak mang ki ti.

¹³Keimah ngêiin ni mihei inrisei ki ta, Râlringamna neh vângsakna pêng ki ti.

¹⁴Dikna sikin det ni ta, Sirdetuhei rimang vang an ta, iṭi rang nei khâi no tin a, Ṭiomna rêng rêngin nang nâi khâi no nih.

¹⁵Nang idoitu an omin chu ki thu ni loia tho an nit a, Nang idoi murdi chu ilîr ngêt an ti.

¹⁶Meihol isêma râlthluk ichertu thîrsuhei hi kî siam an nit a; Kha râlthluk mi thatna ranga lektuhei khom kî siam an nit.

¹⁷Khanniseh, nangma doina ranga, Râlthluk icherhei rêng rêng manchang isuak om no nih. Nang inotuhei murdi chu anmani thiamno chang an ti. Ke somhei chu thlop ki ta, Anni chu nêna pêng ki ti.” PUMAPA thusuak khan a ti.