Read Biete LEVIDÂN 12 Bible Online

LEVIDÂN 12 - Biete bible

LEVIDÂN 12

¹PUMAPA khan Mosia ziangah,

²“Israel mihei mang rangin hi dânhei hih a pêk a. Nupangin nai a vonga, ipa a neiin chu sûn sarika sung chu a înim a nit; nupang balama thlaboi thladet zoroa a înim angkah khan a înim rang a nit.

³A sûn iriat nî-ah khan naite ser khah itan rang a nit.

⁴A nu khah thisen a sêng sikin sûn sômithumka ithumkah dang a hek mâkah chu a la irthiang ino a nit. Thâr rithiangin a om mâkah chu thil rithiang rêng rêng a tôn rang ni mak a, Puan-In rithiangah khom a lût rang ni mak e.

⁵“Nai nupang a neiin chu sûn sômleiilika sung, nupang balama thlaboi thladet zoroa a înim angkah khan inim a ti. A thisen a sêng sikah khan sûn sômirukkah sûn rukkah dang a hek mâkah chu rithiang ino la nîng a ti.

⁶“Nai ipa manih nai nupang manih sika rithâr zoro â tluk tenan Ritongna Puan-In lûtnaah berate kumkah mi khah hâlrivâm thillanin a hong chôi rang a nit, sual ribôlna rangin pharvali manih, vaṭhu manih thiampu ziangah a hong chôi sa rang a nit.

⁷Thiampu khan PUMAPA ziangah a thillan khah lei lan pêk a ta, rithâr rithiangna khah lei siam pêk a ti. Khanchu, a thisen suakna ata rithiangin om a ti. Amahih nupangin nai ipa manih, nai nupang manih a nei zoia a tho ngêt rang chu a nit.

⁸“Nupang khan berate a nei zoi non chu vaṭhu bopka manih, pharvali bopka manih a hong lan rang a nit. Khatkah khah hâlrivâm thillan nîng a ta, khatkah kha sual ribôlna nîng a ti. Khante, thiampu khan rithâr rithiangna khah lan pêk a ta, hong rithiang tâng a ti,” a ti a.