Read Biete JEREMIA 35 Bible Online

JEREMIA 35 - Biete bible

JEREMIA 35

¹Juda rêng Josia naipa Jehoiakima inlal lâiinPUMAPA thu chu ki ziangah a zuang tlung a.

²“Rekaba insungkuahei ziangah fen la risônpui roh. Khanungchu, Tempil chontan khatkatah ṭhui inla, anni chu uain iin rang peh roh,” itin.

³Khanchu, Rekaba panama mi murdi, Habazinia naipa Jeremia [48] nai Jaazania neh a urênghei neh a naihei an rêngkan ki ṭhui a.

⁴PUMAPA Tempilah khan anni chu ki ṭhui a, Pathian mi Igdalia naipa zânthla Hanana chontanah ki lûtpui a. Amakhah milianhei chontan kôl, kotbâi ingâktu Saluma naipa Maaseia chontan chunga om a nit.

⁵Khanchu, kilât neh rihûm uaina sip chu Rekaba insungkuahei maah khan ki sia a, an ziangah, “Uain hih in rei,” ki ti a.

⁶An ne sâm a, “Uain in ngai mang ung e, kin chibul Jonadaba, Rekaba naipa khan keimani neh kin naihei uain in tlak loi rangin a ne îril a nit.

⁷Khabanah, in khom sin loi rang, loi khom tho loi rang, grep rikul khom siam iloi rang neh richoh khom richoh loi rangin a ne îril a nit. Hi kin mikhualna ramah hin ringdam isôta kin om mai theina rangin tiklâi khomin puan inheia om mai rangin thu a ne ipêk a nit.

⁸Khaangkan kin chibul Rekaba naipa Jonadaba thu ne pêk murdi chu kin zôm a, keimani neh kin nupuihei, kin naipahei neh nainuhei ten khomin tutên uain kin iin ngai ino a nit.

⁹Kin omna rang in sin ngai mang ung a, puan-inheia kin om a, grep rikul siam ngai mang ung a, loi neh chimu khom kin inei ngai ino a nit. Kin chibul Jonadaba thu ne pêk chu a kip a kôiin kin izôm a nit.

¹¹Khante, Babilon rêng Nebukadnezaran hi ram hih a hong rûnah khan, Babilon ram neh Suria sipaiheia rithoka kin zôk theina rangin Jerusalema hong rangin thu kin ithlûk a. Khaangkan atûnah hin Jerusalemah kin iom tâk a nit,” an ti a.

¹²Khanungchu, PUMAPA Tinrêngthothei, Israelhei Pathian khan Juda mihei neh Jerusalema omhei ziangah ifea an ziangah hi thu hih isîr pêk rangin a ne ril a, “Keimah, PUMAPA hin nangni ki irdon a nit: Îtho sik im ki thuhei ringai loia ken riseinahei khom ipom loia nin iom?

¹⁴Jonadaba richihein chu an chibulhein uain in loi ranga thu an ipêk khah an zôm a, vuani tenah hin khatkah khomin uain an iin ino a nit. Khanniseh, keiman chu nin ziangah thu ke sîr mai mai khomin ki thu zôm nuam ngai mak chei.

¹⁵Nin ziangah ke som zânthlahei ki zuk tir inrizom mai a, nin om dân isualhei ima a, thil iṭha tho rangin nangni an lei iril ngai a. Nangmani neh nin chibulhei kî pêk ramah hin kumkhuaka nin om theina ranga pathian danghei chubai ûn loia, an sin khom tho loi rangin nangni an iril ngai a. Khanniseh, ki thu ringai nuam mak chei a, nin ne ingaisak nuam ino a nit.

¹⁶Rekaba nai, Jonadaba richihein chu an chibulin thu ai pêk khah an zôm a, nangmani rêkin chu ki thupêk zôm mak chei.

¹⁷Khasikin, atûnah hin, keimah, PUMAPA, Israelhei Pathian hin nangmani Judai ram neh Jerusalema mihei chungah vânduaina inrît ki înkung murdi khah ki îṭhum rang a nit. Nin ziangah thu ki ril lâiah khan ringai nuam mak chei a, nangni ki koi lâiah khan nin ne sâm nuam no sikin khahei khah kî tho ngêt rang a nit,” itin.

¹⁸Khanchu, Rekaba richihei ziangah khan PUMAPA Tinrêngthothei, Israelhei Pathian khan hingkan ai ti a nit ki ti a: “Nin chibul Jonadaba thupêk nin zôm a, ân riseinahei nin zui a, thu nangni ai pêk murdi nin zôm riai a.

¹⁹Khasikin, Keimah, PUMAPA Tinrêngthothei, Israelhei Pathian hin ki înkung a nit: Rekaba naipa Jonadaba richihei chu kumkhuakan ki sin itho rang an iom mai rang a nit.”