Read Biete JEREMIA 39 Bible Online

JEREMIA 39 - Biete bible

JEREMIA 39

¹Juda rêng Zedekia inlal kum ikuakna, a thla sômnaah khan Babilon rêng Nebukadnezara neh a sipai lômhei khan Jerusalem an hong rûn a, an hual khap a.

²Zedekia inlal kum sômleikhatna, a thla lina, a sûn ikuaknî-ah khan khopui kulbang kha isim a nit tâk a.

³Jerusalem kha ila a nit tenan chu Babilon rêng milianhei khah an hong lût a, Lâitak Kotbâi kôlah khan ommun an siam a. Kha mihei khah Nergal Sarezera hei, Samgar Neboa hei, thâinuzelhei ruaitu Sarsekima, matong sipaihei iruitu Nergal Sarezera hei an [49] nit.

⁴Juda rêng Zedekia neh a sipai murdihei khan anni kha an mun chu lâizâm an tho tâk a. Zânah rêng rikul lampui ata fe suakin kul bang inika kârah inrûkkan an irel a, Jordan Phâi tiang ipanin an rot tâk a.

⁵Khanniseh, Babilon sipaihei khan anni chu an rizûl a, Jeriko kôl phâiah khan Zedekia chu an môk a, an man a, Babilon rêng Nebukadnezara ziangah, Hamath ramhuala Ribla khuaah an ṭhui a; amakhan Nebukadnezara khan a chungthu a rêl a.

⁶Babilon rêng khan Ribla khuaah khan Zedekia naipahei chu Zedekia mu chung ngêiah a that a, Juda milianhei khom ai that sa a nit.

⁷Kha rizoin Zedekia mitruhei â khelsuak pêk a, thîrkol ân bun a, Babilonah a ṭhui tâk a.

⁸Babilonhei khan rêng-in neh in dang murdi kha an hâl a, Jerusalem kul banghei an isim a.

⁹A nungkhôn takah chu sipai iruitu Nebuzaradana khan khopuia mi la omhei kha a zianga ripehei neh khan an rêngkan Babilonah bôi rangin a ṭhui tâk a.

¹⁰Nebuzaradana khan mi inriang, îte zel nei inohei kha Judai ramah khan a mâk a, anni chu grep rikulhei neh loihei a pêk a.

¹¹Khanchu, rêng Nebukadnezara khan a sipai ruaitu Nebuzaradana kha hingka hin thu a pêk a,

¹²“Fen la, Jeremia kha zong suak inla, iṭha takkan enkol roh. Ani chu innah tlak non la, ai nuam murdi tho pêk roh,” a ti a.

¹³Khanchu, Nebuzaradana hei, Babilon ram sipai uliantak Nebusazbana hei, Nergal Sarezera neh Babilona ruaitu lian murdihei khan vêngtu rikul sunga rithokin an ne ṭhui isua a,

¹⁴Safana nai, Ahikama naipa Gedalia enkolna nuaiah an ne sia a, ani khan idam takka inah ki om theina rang khah ai ngaitua rang a nit. Khanchu, mi dang lâiah ki lêng sa tâk a.

¹⁵Vêngtu rikul sungah ki la tâng mai lâiah khan PUMAPA thu ki ziangah a zuang tlung a.

¹⁶Ethiopia mi Ebedmeleka iril rangin PUMAPA Tinrêngthothei, Israelhei Pathian khan hingkan a ti a: “Hi khopui chungah hin vângsakna ni loiin siatripna ṭhum rangin ki thuhei kî len rang a nit. Khatikin chu ni mit mu ngêiah kha thilhei khah a zuang itlung rang a nit.

¹⁷Khanniseh, nangmah chu keimah PUMAPA hin nang vênginzôk ki ta, ni mi ṭihei kutah khan ipe ni no tin e.

¹⁸Nang ihoi ki ta, khandaiin thi no tin e. Ni ne iam ngit sikin ni ringna chu zôk a ti. Keimah, PUMAPA hin kî ti tâk a nit.”