Read Biete JEREMIA 44 Bible Online

JEREMIA 44 - Biete bible

JEREMIA 44

¹Aigupta rama Juda om murdi, Migdol khuaa om hei, Tapanhes khuaa om hei, Nof khuaa om hei, sim tiang pang Pathos rama om hei[53] chungchângah PUMAPA thu ki ziangah a zuang tlung a.

²Tinrêngthothei PUMAPA, Israelhei Pathian khan hingkan a ti: “Nangmani ngêi khan Jerusalem neh Judai ram khopui dangheia siatripna ki îthlun khah nin imu a nit. Atûn ten khomah hin an la ram mai a, tute a sungah khan an iom khâi ino a nit.

³A sunga mihei khan thil ṭhano an tho a, ki ning an inthik a. Nangmani neh nin chibulhei khomin nin iriat ngai ino pathianhei chubai iûnin namhoi nin hâl sikin,

⁴ke som zânthlahei nin ziangah ki zuang tir mai ngai a, hi thil porinche, kî nel tak hih tho loi rangin nangni an îril ngai a nit.

⁵Khanniseh, ringai mak chei a, ngaisak nuam ngai mak chei. Nin rêngkan pathian danghei zianga ribôlna lana pualoi sin itho kha ima nuam mak chei a.

⁶Khasikin, ki ningthik neh ningmur ritêl chu ke ṭhum a, Judai ram khuahei neh Jerusalem kotsuahei chu meiin kî hâl vang tâk a nit. Vuaninta a om lam angkah takah hin a siatchit tâk a, ai ram tâk a nit.

⁷“Khante, atûnah hin Keimah, PUMAPA Tinrêngthothei, Israelhei Pathian hin kî ti a nit: Îtho sika nin rêngka ipa hei, nupang hei, naipang hei neh naitesen hei tute zua loia siatripna tlungna ranga hingkana thil ṭha no hih nin itho tâk mani?

⁸Nin zuang omna Aigupta ram pathianhei ziangah namhoi ihâl a, nin kutsuak mirmilhei chubai iûnin îtho sik im ningthik nin ne isak hi? Rammuala nam tin imusit neh vânisal ichang rangin nin risiam a, nangmani khâtin isehchitin nin iom tâk a nit.

⁹Judai ram neh Jerusalem kotsuaheiah nin chibulhei siatna hei, Juda rênghei neh an nupuihei thil isual thohei, nangmani neh nin nupuihein thil isual nin itho murdihei khah nin irngil im ai nit tâk?

¹⁰Vuani ten idênin lar let mak chei a, ne chôiinrisâng nuam mak chei. Nangmani neh nin chibulhei ta ranga ki dân neh ki thupêk khom nin izôm ino a nit.

¹¹“Khasikin, keimah, Tinrêngthothei PUMAPA, Israelhei Pathian hin nin ta ranga thil ṭha no, Juda mi murdi rimang riaina rang ki îthlun rang a nit.

¹²Juda mi la dam isun, Aigupta rama rithon itumhei chu ki înrimang riai rang a nit. Aigupta ramah khan khandaihei, iṭâmhei ituangin thîng an ta, â chîn â lian an rêngkan rimang riai an ti. Mi vânisâm lông an ta, en inkhôk tak nîng an ta; mihei musit tuang an ta, an riming chu vânisâmna ṭongin mang an ti.

¹³Jerusalema omhei kuttum ki tho lam angkah takin Aiguptaa omhei khom khandaihei, iṭâmhei, ripuihein kuttum kî tho rang a nit.

¹⁴Aigupta rama Juda mi la dam isunhei Judai rama kîr nôk rizuk tak tak an ta; khanniseh, tute Judai ramah iring idamin kîr nôk khâi no nih. Mi iroite, â tlân suakhei bang khah kîr nôk an ti.”

¹⁵Aigupta rama Pathros muna Juda om murdi, an nupuihein pathian dang ziang heiah namhoi an lan ngai iti â retu pahei neh an lâia nupang inṭelsa murdi, mipui ribûm vung khan ki ziangah hingkan an ti a,

¹⁶“PUMAPA riminga kin zianga thu ni îsîrhei khah ringai no ning ung e.

¹⁷Thu kin înkung itho ranga kin lei iti kha kin itho rang a nit. Rivân rêngnu, [54] kin pathiannu ziangah ribôlna lan kin ta, uain thillan a ta rangin bun suak kin ti. Keimani neh kin chibulhei, kin rênghei neh kin ruaituhein Judai ram khopuiheiah neh Jerusalem kotsuaheia kin itho ngai angkah khan kin itho rang a nit. Kha lâiah khan chu fâknêk kin nei intam a, vângsak inṭumin kin om a, îte buaina khom tong ngai mang ung.

¹⁸Khanniseh, rivân rêngnu zianga ribôl neh a ta ranga uain thillan ibun suak kin ima nî-a rithokin îte zel nei khâi mang ung a, kin mihei khom khandai neh iṭâm ituangin an ithi tâk a nit hih,” an ti a.

¹⁹Nupanghei khan, “Rivân rêngnu rilim ibai kin isiam hei, ribôlnahei a zianga kin ilan hei, uain thillanhei a makungah kin ibun suakhei murdi khah kin pasalhei ne riatpuia kin itho kêng ai nit,” an ti sa a.

²⁰Hingkana ne sâmtu ipa neh nupang murdihei ziangah khan,

²¹“PUMAPA khan Judai ram khopuiheiah, Jerusalem kotsuaheiah nangmani neh nin chibulhei, nin rênghei, nin ruaituhei neh ram sunga mi murdihein ribôlna nin lan ngai iti a riat mai a, ringil tlak mak iti nin iriat ino mani?

²²Nin thil isual thohei PUMAPA khan tuangdiar khâi mak a, nin thil porinche thohei sikah khan ram chu a siat zoi tâk a, vânisal idong, tutên an ilua no ram atûnah hin a hong ichang tâk a nit hih.

²³Atûna vânduaina inrît nin chunga a zuang tlungna hi pathian danghei ziangah ribôlna nin lan a, a thupêkhei zôm loia PUMAPA chungah nin isual sika a nit,” ki ti pêk a.

²⁴Tinrêngthothei PUMAPA, Israelhei Pathianin Aigupta rama Juda omhei zianga isîr ranga thu a ne ipêk kha mipuihei neh a bîkin nupanghei chu ke ril a: “Nangmani neh nin nupuihei inrualin rivân rêngnu ziangah ṭonginkungna det tak nin siam tâk a. A ziangah ribôlnahei ilan a, a ta ranga uain thillanhei ibun suak rangin ṭong nin inkung a, khaangkan nin ṭonginkung chu nin sintho khomin nin înlang a nit. A ṭhat, nin ṭonginkung angkah takin tho unla, nin ṭongrikhâmna chu len mai rei.

²⁶Khannisela, nangmani Aigupta rama Juda mi murdihei o, PUMAPA thu hih ringai rei. Ṭongrikhâmna nei a, ‘Chungnungtak Pathian iring rimingin ki irkhâm a nit,’ itia ker ming nin iching rang chu tiklâi khomin phal tlak khâi no ning e.

²⁷Vângsak loia nin ṭêi chitna rangin nangni ki irdîp ṭian rang a nit. Nin rimang riai mâkah chu Aigupta rama Juda murdi khan khandaihei, ripuihei nin ituang rang a nit.

²⁸Khandai izôka Aigupta rama rithoka Judai rama kîr nôkhei chu iroi cheka bang nîng an ti. Khanchu, Aigupta rama a la dam isunhei khan ki ṭong im â dik, anmani ṭong im iti reh thei tâng an ti.

²⁹Keimah, PUMAPA hin hi munah hin kuttum nangni kî tho rang a nit; khanchu, nangni inrimang ranga ki ṭonginkung khah a hong itlung ngêt rang a nit iti reh tâng nin ti.

³⁰Aigupta rêng Hofra [55] Faroa chu ama that itumtu, â râlhei kutah kî pêk rang a nit. Juda rêng Zedekia, ama that itumtu, Babilon rêng Nebukadnezara kuta kî pêk angkah takah khan,” a ti a.