Read Biete JEREMIA 45 Bible Online

JEREMIA 45 - Biete bible

JEREMIA 45

¹Josia naipa Jehoiakima, Judai ramah ân lal kum ilinaah khan Neria naipa Barukan ki zianga thu zuang itlung kha lekhabuah arziak suak a. Kha lâi takah khan Baruka ziangah hingka hin ki ti a:

²“Baruk, PUMAPA, Israelhei Pathian khan ni chungchâng thu hingka hin a ti;

³Baruk, nangman chu, ‘Ke lung a zîng vang na! PUMAPA khan ki thil tuang chungah beidongna a ne zuang bôk pêk sa tâk a. Lungzîngin ke rung a, sôl ringamna zel kî mu khâi ino a nit hih,’ ni ti a.

⁴“Khanniseh, ringai roh, keimah, PUMAPA hin ram pumpuia ki lei isin inding tâk kha ṭhet isim riai ki ta, ki lei iphun tâk kha ki phâi suak rang a nit.

⁵Nangma ta rang bang thil iṭha nî zong mani? Khangkan tho no roh. Mi tin chungah siatripna ki îthlun rang a nit. Khanniseh, nang chu tak munah khom fen la, ni ringna chu nang kî zua pêk rang a nit. Keimah, PUMAPA hin kî ti tâk a nit, a ti,” ki ti a.