Read Biete JEREMIA 47 Bible Online

JEREMIA 47 - Biete bible

JEREMIA 47

¹Faroan Gaza a rûn [58] maa Filistia mihei chungchânga PUMAPA thu ki zianga zuang itlung chu.

²PUMAPA khan, “En ta, mâr tianga rithokin tui a zuang lian a, Vakuang sip a ta, luang ilêt a ta, Ram pumpui chîm vang a ti. Lunginzîngin ikhêk an ta, Rinêng chunga mi murdi irung an ti.

³Sakor iper irî hei, sakor tâli rifat hei, A ke ngûm rifat irî hei riang an ti. Pahei kut rizal zoi a ta; An naihei khom ngaisak thei khâi no nih.

⁴Filistia isehchit rang nikhua chu a hong tlung tâk, Tura neh Sidon ata ṭangpuitu om khâi mak; Keimah, PUMAPA hin Filistia chu inrimang vang ki ta; Kret tuirikama rithoka hong murdihei chu.

⁵Gaza mihei rangin ngaisiatna natinsat tak a zuang tlung a, Askelon mihei chu an inthim val tâk. Phâizôla la dam isunhei o, Itena sôt im nin isûn rang?

⁶Nin ikhêk a, ‘O PUMAPA khandai, Itena sôt im ni lai sât mai rang hi? Ni kokah kîr nôk tan la, amakhan ringam inla, om ṭian ta roh,’ nin ti a.

⁷Keimah, PUMAPA hin itho rang sin ki pêk lâiin, Ani chu ingkan im ringam thei a ta? Askelon neh tuipui rikama omhei idoi rangin, Thu kî pêk kêng ai nit,” a ti a.