Read Biete EZEKIELA 15 Bible Online

EZEKIELA 15 - Biete bible

EZEKIELA 15

¹PUMAPA khan a ne sôn a,

²“Famthei miriam, grep rui neh â ṭanghei hih rampui thing neh â ṭang nêkan im a ṭhat bîk na?

³A kung khah thil îmani siam nan imang thei a nit im a? Â ṭang khom khah thil îmani khâina rang iluan imang thei a nit im a?

⁴Meiah an tua a, a môr kiang ruaikan a kâng a, ân lâina chu ar-ût khap a, amakhah mangmun a la om ngai im a?

⁵A kâng ma reng khomah khan â mangna boi a nit a, meiin a kâng a, thingthu bonga a om ten vângin chu â mangna ai boi pit tâk a nit,” a ti a.

⁶Atûnah hin Pumapa PATHIAN khan hingka hin ai ti a nit: “Rampuia grep rui khah ila a, itua ai nit angkan Jerusalema omhei khom lah suak ki ta,

⁷kuttum kî tho rang a nit. Mei kâng masaa rithokin itlân suak khom sela, mei ikâng ngirin an irmang rang a nit. Anni khah kuttum ki tho tenan chu, PUMAPA ki nit iti reh tâng nin ti.

⁸Ki chungah an iamom no sikin ram chu ki înram riai rang a nit,” Tinrêngthothei PUMAPA thu suak khan a ti.