Read Biete EZEKIELA 23 Bible Online

EZEKIELA 23 - Biete bible

EZEKIELA 23

²“Famthei miriam, nu khatka nai, nupang inikah an om a.

³An thuarbap lâia rithokin Aigupta ramah om inlêrin an om a, an nungâk rithiangna an ichân a, nochizuarin an rilet tâk a.

⁴A ulian ual riming kha Oholai a nit a, Samari entîrna a nit; a naipang ual kha Oholibai a nit a, Jerusalem entîrna a nit. An ruaikan nupuiin ki nei a, nainu naipa an ne nei pêk a.

⁵Ki nupui inih pumin Oholai khah nochizuar a la nit mai a, Asuria rithoka a lungdihei ta rangah khan a hur titak mai a.

⁶Khahei khah zakua sena rivo sipaihei, milian neh ruaitu lian, an rêngkah khan tlangvâl mêl iṭha, sakor chungchuang mi an nit.

⁷Kha Asuria milianhei ranga nungâk ihur chu a nit tâk a; Asuria mirmilhei chubai iûnin mahni khât nâk nâkin porinchen a irsiam tâk a nit.

⁸Aigupta rama a hurna kha la bâng ual mak a, nungâk a changa rithokah khan ipân an zâlpui ngai a, nochizuar angkah takin an imang ngai a nit.

⁹Khasikah khan a lungdi a îdit tak tak Asuria mihei kutah kî pêk tâk a nit,

¹⁰Anni khan a silbom an khek pêk riai a, a naipahei a nainuhei an man pêk a, ani khah khandaiin an that a; a thil tuang khah nupanghei iṭhîna tak a nit tâk a.

¹¹“A unainu Oholibai khan amakhah a mu ṭian khomin a uliannu Oholai nêka natinsat ualin a hur a, nochizuar ai chang mai a nit.

¹²Asuria milian neh sipai ruaitu lian, zakua seninlâr ihâk, sakor chungchuang, tlangvâl mêl iṭha rithlanghei chu â dit tak tak a.

¹³Ani khom khah porinchen a om tâk iti ki mu a, a uliannu angkah takin om inlêrin ai om tâk a nit.

¹⁴“A hurnaah khan a lût inthûk tîr tîr a; Babilon milianhei rilim, banga an isin, rông seninlâr an înôt, kongkhit enihoi tak ikhita, lukôm ribom ikôm kha a hang en a, a mit a lâk dap a.

¹⁵

¹⁶Anni khah a mu kaneh chu â dit zel tâk a, Babilon mihei ziangah palâi a tir tâk a.

¹⁷Babilon mihei chu an hong a, an hong zâlpui a, porinchen an siam tâk a. An nuam dôrkah an innim zoiin chu anni khah a nel nôk tak tak a.

¹⁸Khangkan ilang pamka mi hur a nitzia mi tin riatah ân lang sikin ân zirpuinu kî nel angkah takin ani khom kî nel tâk a nit.

¹⁹Aigupta rama a nungâk chang lâi hurna khah la bâng mak a, ai hur ual ual a nit.

²⁰Sakuartung neh sakor angkana lian inei [14] ipa hur tak tak izâlpui rang a enkerêk mai a.”

²¹Oholibai, Aigupta rama ner nu nang an tôn pêk a, ni nungâk rithiangna ne chân ata ni nungâkte hurna khah lan rizom mai rang nî nuam a nit hi.

²²“Khasikin, Oholibai, keimah, Pumapa PATHIAN hin ni ziangah amahih kî ti a nit: Ringai roh, kha ni lungdihei khah ni chungah an ninginthik pêk ki ti. Ni lungdi, ni lei inel tâkhei kha kil tina rithokin nang ihual rangin hong ṭhui ki ti.

²³Babilon mihei, Kaldai mihei, Pekod mihei, Shoa mihei, Koa mihei neh Asuria mihei chu ki hong iṭhui rang a nit. Tlangvâl mêl iṭhahei, milian neh ruaitu lian, râlrât lôm neh sakor chungchuang mi ulianhei chu hong bûm ki ti.

²⁴Mâr tianga rithokin hong an ta, sipai itam takkah, sakor tâli mang neh neinun ipêl tâli neh, ipho chôi neh ṭângipho hâkin, lukhum ikhumin nang hong hual an ta, an nuamlam angkah taka nang an rêl rangin an kutah nang kî lan rang a nit.

²⁵“Ni chungah ki ning a thik sikah hin anni khomin ningthika an nuam nang an lo rangin kî phal a nit. Ni nârhei, ne kuarhei ât pai an ta, nin lâia a la dam isunhei chu khandaiin that an ti. A nit, ni nainuhei ni naipahei chu man an ta, an iringin hâl that an ti.

²⁶Ni silbomhei nang khek pêk riai an ta, ner thei enihoi tak takhei chu nang lah pêk an ti.

²⁷Ni hurna neh ni nochizuarna, Aigupta ram ata ni lei hong înrizom mai khah ki înmong rang a nit. Mirmilhei rizuk khâi no tin a, Aigupta khom remai khâi no tin e.”

²⁸Pumapa PATHIAN khan hingka hin a ti: “Ringai roh, nî nel neh nî theimâk mihei kut ngêiah nang lan ki ti.

²⁹Nang an nel tak tak sikin deng nang inthei an ta; ni sintho râhei rêng rêng nang lah pêk riai an ta, nochizuar angkan korongboin nang marak an ti. Ni hurna neh ni nochizuarna sikin

³⁰hihei hih ni chungah ni îthlun a nit. Nam danghei rizûlin nochizuar ni chang a, an mirmilheiah khan porinche takkan ni om tâk a.

³¹Ni u omdân angkan ni om mai sikin ni tuang rang kilât kha nang kî pêk a nit.”

³²Pumapa PATHIAN khan hingka hin a ti: “Kilât ilianpa, inthûk tak, Ni u kilât kha nî in rang a nit. Mi tinin nang musit an ta, nang nuiso an ti. Kilât kha â lêt khap a nit.

³³Inrui ni ta, lunginzîngin om ni ta, Ṭina neh siat rimangna sip kilât a nit. Ni u Samaria kilât ngêi kha,

³⁴In ni ta, lîng vang ni ti, Â koi lek rinôiah khan ner nuhei ât thlêr ni ti. Keimah, Pumapa PATHIAN hin kî ti a nit.”

³⁵Pumapa PATHIAN khan hingka hin a ti: “Ni ner ngil a, nung ni ne song tâk sikin ni hurna neh ni nochizuarna khah nî tuangpui rang a nit.”

³⁶PUMAPA khan ki ziangah hingkan a ti a, “Famthei miriam, Oholai neh Oholibai hei hih iril rangin ner zoi tâk im? An porinchezia iril roh.

³⁷An inrê a, an kutah thisen a kâi duak a; mirmilhei chubai an ûn a, naipa an ne inei pêkhei khah an that a, mirmil ziangah an lan a.

³⁸Kha bang khah ki chungah an itho ni mak a, ki Tempil Rithiang an inbor a, ki sabatnî chu an iser inrithiang ngai ino a nit.

³⁹Ki naihei mirmilhei zianga ribôlna an lan nikhua ngêiah khan, ki Tempil kha an inbor ngai a.

⁴⁰“Ram ilah taka mihei ikoi rangin thangkoitu an tir mai a, an mi koihei kha an hong a. Zuarpui inikahei khah tui an risil vang a, an mitkôl an inôt induk a, rithei iluhein an rivo a.

⁴¹Zâlmun rivuai takah an iṭhung a, ifarua tui tak tak siana docham an do a, kî pêk namhoi neh riakhei khom an sia sa a.

⁴²Râifân takka hoiinhâina mangin an irî vung vung a, ramchâra rithoka mi lôm hong iṭhui lûta omhei khan nupanghei chu bânbunhei an inbun a, an luheiah lukhim enihoitakhei an inkhim a.

⁴³Ki khât lunginṭongin ‘Inrênaa rizal tâk nupang khah nochizuarin an imang a nit hih,’ ki ti a.

⁴⁴Nochizuar, mîn a ziangah an ife ngai angkah hin nupang ihur Oholai neh Oholibai kha mîn an lai pan mai a nit.

⁴⁵Inrê neh mithatin mi dikhei khan bêng an ta, thiamno inchang ngêt an ti; inrê an rât a, an kuthei chu thisen ikâi duak a nit a.”

⁴⁶Pumapa PATHIAN khan hingka hin a ti: “Thlavâi isak rang neh hong irok rangin mipui hong bûm rei.

⁴⁷Mipui khan lungin dêng sela, khandaiin sât sela, an naihei chu that pêk sela, an inhei khom hâl pêk riseh.

⁴⁸Ram pumpuia an hurna chu ki înboi rang a nit, nupang danghei khomin anmani angkana inrê an song khâi nona rangin inmong ki ti.

⁴⁹Nangmani urnai hih nin hurna sik neh mirmilhei chubai nin ûnna sikin kuttum nangni thon nin ituang rang a nit. Khanchu, Pumapa PATHIAN ki nit iti reh tâng nin ti.”