Read Biete EZEKIELA 40 Bible Online

EZEKIELA 40 - Biete bible

EZEKIELA 40

¹Suaka kin itâng kum sôminikah ringana, Jerusalem ila a nit nung kum sômleiilina, kum ithar a sûn sômnî takah khan PUMAPA ompuina tharât kha ki chungah a zuang ṭum a, a ne ṭhui tâk a.

²Inlârnaah khan Pathianin Israel ramah a ne ṭhui a, itlâng risâng takah a ne sia a. Ki maton tiangah khan Khopui inding ithar i-ang hi ki mu a.

³A ne ṭhui innâi ualin chu dâr angkana ritle miriam khatkah hih ki mu a. Patzâi rimia siam rikhîna rui neh rikhîna rol a chôi a, kotbâi kôlah khan â ding a.

⁴Ani khan ki ziangah, “Famthei miriam, iṭha takkan en inla, ringai ving roh; nang ken en rang murdi hih richik tap roh; kha rang sik piala hi munah hin nang kî ṭhui a nit. Nî mu murdi hih Israel insungkuahei ne ril rang a nit,” a ti a.

⁵Kî mu khah Tempil a nit a; a vêlkan bang a om a. Mi khan arkhîna rol khah a lâk a, mûk irukka sei a nit: bang kha arsâng dôr neh â sâ dôr kha â rol sei dôrah seng seng a nit.

⁶Khanchu, khosak tiang ingata dâikotah khan a fe a, kalbiah khan a lui a, a sîp takah khan richam, rikhîna rol dôrka rizat a lei om a.

⁷Kha penah khan lûtna lampui a sîr kiang ruaikah khan râlrungbûk ithumkah seng seng a om a, râlrungbûk dung neh khang kha ar-el bang a, irol tôkkah seng seng a nit. Râlrungbûk kâra bang khah mûk ringaka sa a nit. Râlrungbûkhei khêlah khan Tempil tiang isong râlrungbûk ilian panna lampui irol tôkka sei hih a om a.

⁸Khanungchu, lûtna thapuk kha arkhî a, mûk iriatka thla a nit a, a kotbâi chopui kha mûk inika sa a nit. Kha lûtna thapuk khan Tempil tiang ai song a nit.

⁹

¹⁰Khosak tiang hang ithlîr kîr nôkin chu lûtna sîr kiang ruaika râlrungbûk iomhei kha artia nat a, an kâr bang isa dôr khom ar-ang nat a nit.

¹¹Khanungchu, mi khan lûtna kotbâi rizat dôr khah arkhî a, mûk sômleiithumka rizat a nit a, chopui omna takah khan chu mûk sômka rizat a nit.

¹²Râlrungbûk lûtna bang bul khah mûkka sa, mûkka risângin an inpông a. Râlrungbûk tin kha mûk irukka ar-el banga rizat korong a nit.

¹³Khanchu, râlrungbûk kôl, nungtiang bang seng seng kâr kha mûk sôminikah ringakah a nit.

¹⁴A kil taka râlrungbûk ata khah tual isuak thei a nit a. Kha râlrungbûk khah arkhî a, mûk sôminika rizat a nit.

¹⁵Tongtîr dâikota rithoka a thapuk sung tianga suakna kâr kha mûk sômringaka rilat a nit.

¹⁶Râlrungbûk tin putiang bangheiah khan tukver ichînte a om chit a, an kâr sungtiang bangheiah khom a om korong a, lûtna song sungtiang bangheiah khan itûm kung rilim an sin a.

¹⁷Mi khan dâikot ipâlin thapukah khan a ne lûtpui a. Amakhan putianga bang imangin chontan sômithumkah a om a, kha chontan tual iṭuang kha lung idâp korong a nit a,

¹⁸thapuk idêna dâp a nit. Hi putiang ual thapuk hih sungtiang ual thapuk nêkan a chadan a irniam ual a nit.

¹⁹Chuanchunga lûtna neh chuannuaia suakna kâr khah arkhî a; mûk rizaka rilat a nit.

²⁰Khanchu, mi khan putiang ual thapuk lûtna mâr tiang dâikotah khan a ne ṭhui a, a dung rilat dân neh a khang rizat dân arkhî a.

²¹Lûtna sîr kiang ruaikah khan râlrungbûk ithumka om seng seng hei, an kâr bang neh a bang ipông bîk hei, a chopui neh chopui kâr hei kha khosak tianga rithoka lûtna angkah chia kha a nit; a dung mûk sômringakah a nit a, a khangtiang mûk sôminika ringakah a nit.

²²Lûtna chontanhei, tukverhei neh itûm kung rilimhei kha khosak tianga rithoka lûtnaa om angkah chia kha an nit. Lûtna chontan khah thapuk isong a nit a, chopui a om a, kalbi sarikah kotbâi idênin ai om a nit.

²³Chuannuaia thapuk lûtna ridînah khan chuanchung thapuk lûtna a om sa a, khosak tianga om angkah taka khan ai om a nit. Mi khan hi lûtna inikahei kâr hih arkhî a, mûk rizakah a nit.

²⁴Khanungchu, mi khan sim tiang pangah a ne ṭhui a, kha mun khomah khan lûtna a om a, ani khan sungtiang banghei neh lûtna chontanhei kha arkhî a, a danghei angkah ngir a nit a.

²⁵Tukverhei, bang bul ipông bîkhei a om korong a; lûtna rilat dân kha mûk sômringakah a nit a, a khang rizat dân kha mûk sôminikah ringakah a nit.

²⁶Hang luina kalbi sarikah a om a, chopui a om a, tongtîr chontan khom thapuk isongin ai om a nit. Lûtna songa sungtiang bangheia itûm kung rilimhei khom kha ar-ang nat a nit.

²⁷Chuannuai lûtna neh chuanchung lûtna kâr khom arkhî a, mûk rizakah ngir a nit.

²⁸Sim tianga rithoka lûtna dâikot ipâlin chuanchung lûtna thapukah khan a ne ṭhui a. Ani khan lûtna kha arkhî a, chuannuai lûtna angkah ngir kha a nit a.

²⁹Râlrungbûkhei, tongtîr chontanhei, banghei, lûtna kôl chopuihei, banga tukverhei a om korong a, mûk sômringaka rilat a nit a, a khang chu mûk sôminikah ringaka rizat a nit.

³⁰

³¹Tongtîr chontan khan thapuk dang khah ma a song a, lûtna sîr bangheiah khan itûm kung rilimhei isin a nit a, chuannuaia rithoka chuanchung luina kalbi kha iriatkah ai om a nit.

³²Khosak tianga lûtna dâikot ipâlin chuanchung lûtna thapukah khan a ne ṭhui nôk a. Ani khan lûtna kha arkhî a, a danghei angkah ngir a nit.

³³Râlrungbûkhei, tongtîr chontanhei, sungtiang chontan banghei khom a dang neh ritia korong a nit. Tukverhei, chopuihei, thapukhei a om riai a, arlat dân chu mûk sômringakah a nit a, a khang kha mûk sôminikah ringakah a nit.

³⁴Tongtîr chontan khan putiang thapuk khah ma a song a. Lûtna sîr bangheiah khan itûm kung rilimhei isin a nit. Hi inkot itlungin kalbi iriatkah ai om a nit.

³⁵Mâr tianga rithoka chuanchung lûtnah dâikotah khan a ne ṭhui a. Ani khan arkhî a, a danghei angkah ngira lian a nit.

³⁶A danghei angkah khan râlrungbûkhei, chopuihei, thapukhei, tukverhei a om korong a. Arlat dân chu mûk sômringakah sei a nit a, a khang chu mûk sôminikah ringakah rizat a nit.

³⁷Tongtîr chontan khan putianga thapuk khah ma a song a. Lûtna sîr bangheiah khan itûm kung rilimhei isin a nit. Hi inkot itlungin kalbi khah iriatkah ai om a nit.

³⁸Mâr tianga rithoka chuanchung lûtna dâikot kôlah khan in khatkah a om a, lûtna dâikota rithoka lût zel thei a nit, hi munah hin hâlrivâm thillan rang sa an risûk ngai a.

³⁹Hi in tongtîr chontanah hin docham ilikah a om a, bang bulah inikah seng seng a om a. Ribôlnaa lan rang, pum hâlrivâm rang manih, sual ribôlna rang manih, thiamno chang ribôlna rang manih khom hi dochamheiah hin an ithat ngai a nit.

⁴⁰Chontan putiang, mâr tianga rithoka lûtna sîrah khan docham inikah a om sa seng seng a,

⁴¹ran thatna rang docham chu a rêngkan iriatkah a nit, tualah ilikah, insungah ilikah a om a.

⁴²Hâlrivâm rang siana docham, lungisuk kil ilika nei, mûkkah neh artenka ri-el bang, mûkkah neh artenka risâng, ilikah insungah khan a om a. Ran thatna rang mangrua rêng rêng chu hi lung dochamheiah hin an isia ngai a nit.

⁴³Lung docham môr kîmna, kutpha dôra sa, a môr ireiah khan arkhîlkan a vêl suak a. Ribôlna lan rang sa rêng rêng chu docham chungah hin an isia ngai a nit.

⁴⁴Khanchu, ani khan chuanchung sungtiang thapukah khan a ne ṭhui a, mâr tianga rithoka lûtna tiang neh sim tianga rithoka lûtna tiangah khan in a om seng seng a; khatkah sim tiang a song a, khatkah mâr tiang a song a.

⁴⁵Mâr tianga om, sim tiang isong khah Tempila sinithotu thiampuhei omna a nit a.

⁴⁶Sim tianga om, mâr tianga song khah mâichâma sinthotu thiampuhei omna a nit. Thiampuhei chu an rêngkan Zadoka richihei an nit a; Levia richihei lâiah anmani bang hih a nit PUMAPA maa fe a, a sin itho ranga iphal chu an nit.

⁴⁷Mi khan thapuk khah arkhî a, mûk rizaka sei mûk rizaka rizat a nit a, ar-el bang a nit. Tempil chu tlâk tiang a om a, â matiangah khan mâichâm a om a.

⁴⁸Khanchu, ani khan Tempil lûtna chontanah khan a ne ṭhui a, lûtna khah arkhî a, mûk ringaka rizat a nit a, a sîr tiang seng sengah khan bang mûk ithumka sa a om a, bang neh bang kâr kha mûk sômlei mûk ilikah a nit.

⁴⁹Chontan masa chung rizat dân kha mûk sômlei mûk inikah a nit a, a dung tiang kha mûk sôminikah a nit. Chontan masa luina kha kalbi sômkah a nit a, kalbi hang mongnah khan a sîr kiangruaikan chopui ai om seng seng a nit.