Read Biete EZEKIELA 42 Bible Online

EZEKIELA 42 - Biete bible

EZEKIELA 42

¹Khanchu, mi khan pûtah ual thapuk ata a ne ṭhui a, Tempil mâr tiang panga in iomah khan a ne ṭhui a, ni tlâk tianga Tempil mongnaa in ioma rithoka la bâk ino a nit.

²Hi in hih a dung mûk rizaka sei a nit a, a khang mûk sômringaka rizat a nit.

³In khan Tempil izuia mûk sôminika rizat mun itlong khah a ngat a, a kiangtiangah khan chuannuai thapuk panna lam a ngat a. Chadan ithumka sin a nit a, chadan tin khah a nuaia chadan nêka vândôr ual a nit.

⁴Mâr tiang isong chontan inkot mâitiangah khan thlengmun mûk sômka rizat a om a, a sei dân chu mûk rizaka rilat a nit.

⁵Kha in chadan chontan chungitah ual kha a vândôr a om sikin a nuaiitah ual nêkan chu a irchêp ual a nit, a vândôr khan ai lâk inrichêp pêk a nit.

⁶Chadan ithumka chontanhei chu an rêngkan chopui nei ino a nit sikin a chuannuai tak chontan nêkan chu a chadan chungita chontan banghei chu a irphân tîr tîr a nit.

⁷A chadan nuaiita tak tual tiang isong kha mûk sômringakah a nit a, a in dung pumpui sei dôr ritenkah a nit. A dang mûk sômringaka la omah khan chontanhei a om a. A chadan chuanchung tak chu indung thluanin chontanhei ai om a nit.

⁹Sak tianga in mongnaa chontanhei nuai, bang riphutnaah khan chontan zuk ṭumna a om a. Tempil sim tiang pangah khom in a om a, tlâk tiang pang, Tempil va mongna taka in ioma rithoka la bâk ino a nit.

¹¹Mâr tiang panga in iom angkah ngirah khan chontanhei matonah khan lûtnahei a om a, chontanhei khom artia nat a nit a, kotbâihei, a in sin dânhei, a lûtnahei khom ar-ang vang a nit.

¹²Sim tiang panga chontanhei nuaia lûtnaah khan sak tiang pang bang riphutna ata zuang lûtna inkot a om a.

¹³Mi khan a ne sôn a, “Hi inhei hih arthiang seng seng a nit. PUMAPA maa rilan ngai thiampuhei khan ribôlna sa rithiang kha hi inheiah hin an ifâk ngai a nit. Chontanhei hi arthiang a nit sikin thiampuhei khan ribôlna thillan rithiang, baidi thillan hei, sual ribôlna hei, thiamno chang ribôlna hei an sia ngai rang a nit.

¹⁴Tempil sunga sinitho thiampuhein putiang thapuka va suak an nuama a nitin chu PUMAPA sin an tho zoroa an thlukthla rithiang kha chu hi chontanheiah hin an mâk ngêt rang a nit. Putianga mipui ribûmna mun tiang an fe man thlukthla danghei an ribel ngêt rang a nit,” a ti a.

¹⁵Mi khan Tempil sungtiang arkhî zoiin chu sak tianga kotbâiah khan a ne ṭhui isua a, Tempil ram rizat tiak khah arkhî riai a.

¹⁶Ani khan rikhîna rol a lâk a, sak tiang pang bang khah arkhî a, mûk rizarngaka sei a nit.

¹⁷Khanchu, mâr tiang pang, sim tiang pang neh tlâk tiang pang arkhî a; kil tin khah an ritia nat a, mûk rizarngakah koronga sei a nit.

²⁰Khanchu, a bang kil ilikah kha arkhî suak a, kil tinah mûk rizarngaka chit a nit. Bang hin rithiang neh rithiangino ai ṭhen phat a nit.