Read Biete HOSEA 3 Bible Online

HOSEA 3 - Biete bible

HOSEA 3

¹PUMAPA khan ki ziangah, “Fe nôk inla, ni nupui, inrênu khah lung va thlung nôk roh. Israel richihei kha Pathian dang ziang tiang ingatin, grep ichâr ibai lan mai ngai khom sela, lung kî thlung ngit angkan lung ni thlung ngit rang a nit,” a ti a.

²Khanchu, ama manin tangka sômleiringakah neh barli ṭin sômkah [2] kha ki pêk a.

³Khante, a ziangah, “Isôt takka sung chu ki ranga rivong rithiangin ni om rang a nit; nochi ni zuar rang ni mak a, tute nupui ni nit rang ni mak; khangkah khan kei khom nangma chungah rivong rithiangin kî om rang a nit,” ki ti pêk a.

⁴Khangkah takah khan Israel richihei khom sûn itam takkah chu rêng neh ruaituhei, ribôlna neh mun iserhei, thiampu zakua neh mirmilhei nei loiin an om rang a nit.

⁵Nikhomsela, nikhua la hong tlung a ti, kha tikin chu Israel richihei kha PUMAPA an Pathian ziang tiang neh an rêng Davida ziang tiang kîr nôk an ta; PUMAPA chu ṭi tâng an ta, a ṭhatnahei kha dong kumkhua tâng an ti.