Read Biete HOSEA 6 Bible Online

HOSEA 6 - Biete bible

HOSEA 6

¹Mipuihei khan, “Tho ta u, PUMAPA ziangah kîr ei ti u, A ne lei sânphor tâk khom a, ne lei indam nôk a ti, kuttum a ne lei tho tâk khom a, ne tuam nôk a ti.

²Sûn nika tenan nen ring a ta, sûn thumka nî-ah khan ne kâiithoi a ta; khanchu, a makungah om ei ti.

³PUMAPA riatna chu rizûl mai ei ti. Riang ei ti u, zîng kôlrisam angkan ani chu inkhêl loiin zuang a ta, ei ziangah rua angkan, rua nungkhôn, rinêng inzortu angkan zuang tlung a ti,” an ti a.

⁴Nikhomsela, PUMAPA khan, “O Israel neh Juda im nang ki lo rang tâk? Lung ni ne thlungna lak zîng sûm neh rido boi zel ngai angkah hi a nit a.

⁵Khasikin, ki zânthlahei chu ki roirêlna neh inrimangna thu chôiin nin ziangah kî tir a nit. Nangmani ata kî zong chu ân tlâi teng a nit.

⁶Ribôlna nêkan lungthlungna kî zong a nit. Hâlrivâm thillan nêkan Pathian riatna kî nuam ual a nit.

⁷“Khannisela, Adama angkan Thuthlung chu an isiat a, amakhan vârrilet takkan ki chungah an itho a nit.

⁸Gilead chu mi siahei khopui a nit a, thisen ai luang mai a nit.

⁹Thiampuhei chu suammi lôm mi ridîp ṭian ngaihei angkah an nit a. Mun rithiang panna lam Sekem munheia lua khom mi an ithat ngai a nit. A nit, thil isual khah an itho ngân ngân ngai a nit.

¹⁰Israel insungkuaah khan thil rikhêl porinche tak ki mu a, ki mihei chu mirmil chubai iûnin an înim tâk a nit.

¹¹“Khante, nangmah Juda khom, ni sintho sika kuttum nang ki tho rang zoro khah ki înkung thlâm tâk a nit.