Read Biete HOSEA 9 Bible Online

HOSEA 9 - Biete bible

HOSEA 9

¹O Israel, nam danghei angkan râifânin khêkiroi no roh. Ni Pathian ziang ata ni rot rimang tâk a, a chungah ni înrê tâk a nit. Ram pumpuiah nochizuar angkan Baal pathian ziangah ner zuar a, rîzôl tinah ni nochizuar lo kha ner zuk a.

²Nikhomsela, bu neh oliv riakhei risam zel ni ta, uain ithar risamin om ni ti.

³Israel mihei chu PUMAPA ramah khan om mai no nia, Aigupta ramah fêng an ta, Asuria ramah fâk rithiang ino fâng an ti.

⁴Kha ramheiah khan PUMAPA zianga uain chu lan thei no nia, an ribôlna khom lan thei no nih. An bu chu lusûnhei bu angkah nîng a ta, â fahtu murdi innim a ti. An bu chu an vonṭâm inboina rang bang nîng a ta; PUMAPA Tempilah thillanin hong ichôi ni no nih.

⁵PUMAPA ruaiṭhe ribûm nî a hong tlung tikah khan im an tho rang tâk?

⁶Ringai ta u, siatna a hong tlung a, mihei kha chekindara an om tikin chu, Aigupta khan anni kha lei rikhôm a ta, Memfis muna phûm rangin anni chu bûm a ti. An tangkarua richon iluhei neh an in munhei chu loisûl neh riling bukin rikhûng a ti.

⁷Kuttum tho rang nî chu a zuang tlung tâk a, thungna nî chu a zuang itlung tâk a nit. Khahei khah a tlung tikin chu Israel khan reh tâng a ti. “Zânthla chu mi intlo a nit a, rithla mi chu mi invêt a nit,” nin ti a. Nin siatna chu a tam rai tâk sikin nin ne inel titak a nit.

⁸Pathianin a mi Israelhei riningna thu peh rangin zânthlan a ne itir a nit. Khannisela, ki fena kipah iva angkana man rangin châng nin kam a. Pathian Inah khom mihei khah zânthla râlhei an nit.

⁹Gibea khuaa an om lâia angkah khan natinsat takkan an isual [5] a. Pathian khan an sualna khah remai a ta, an sualhei chu thung a ti.

¹⁰PUMAPA khan, “Israelhei chu ramchâra grep ithuar angkan ki mu a. Nin chibulhei chu theipui irâ min masa angkan ki mu a. Nikhomsela Peor tlângah an hongin chu Baal chubai iûn an phut tâk a. An ikan tak mirmilhei angkah khan porinche tak an init tâk a nit.

¹¹Israel roinpuina chu iva angkan vuang pai a ta, nai inei hei, nai ivong hei om khâi no nih.

¹²An naihei idonsuiin puitling man sela, khatka lua zua loiin an rêngkan inrimang vang ki ti. A nit, anmani nung ki song tenan chu inkhôk rikhêl an chungah tlung a ti,” a ti a.

¹³PUMAPA, Israel naihei chu iruang ṭianin an om a, ithatin an om ki mu a.

¹⁴Hi mihei chungah im ni tho rang tâk? An nupanghei kha inching inla, an rinutui chu inkang pêk roh.

¹⁵PUMAPA khan, “An siatna murdi chu Gilgala riphut a nit. Kha munah khan a nit, anni chu ki nelna a irphut a nit. An sin siat sikheiah khan ki ram ata ûm isuang ki ti. Annihei hi lungthlung khâi no ning e, an ruaituhei murdi chu ki chungah an rihel a.

¹⁶Israel mihei chu thingkung rizung ichâr, irâ sua thei ino angkah an nit. Nainetehei nei khâi no nia, an nei duai khom a, an nai lungthlung takhei chu la that ngêt ki ti,” a ti a.

¹⁷A thu an ringai sak no sikin ki Pathian khan a mihei chu pai inrimang a ta, nam danghei lâiah lêng ivâiin om an ti.