Read Biete AMOSA 6 Bible Online

AMOSA 6 - Biete bible

AMOSA 6

¹Zion tlânga hoiinhâi takka omhei neh Samari tlânga izôkriam takka ribe, Israel nam roinpui tak lâia nangni mi lianhei, mihein ṭangpui ringaia an ipan ngaihei, nin chung ân khôk vang na!

²Kalne khuaah fe unla thlîr vêl rei, khanung Hamath kho roinpuiah fe nôk unla, Filistia ram Gath khuaah khan zu fe rei. Juda ram neh Israel ram nêkan an ram khah a ṭhat ual im a? Nin ram nêkan an ram khah a lian ual im a?

³Sûn ṭhano zuang tlung rang kha ilah takah nin sia a; nikhomsela, nin sintho khan kha nikhua bang khah a înnai a nit.

⁴Saiha zâlmuna zâl a, ṭhungmun rivuai isei chungheia tâl a, beratuai neh serâtchaltuaia ruaiiṭhe ngaihei, nin chung ân khôk rang vang na!

⁵Perkhuang neh mangmunboi lâhei isak a, Davida anga lâ phua nuamhei.

⁶Zu kilât ilianheia uain iin a, riak namhoi ilu tak rithu a; nikhomsela, Israel vânduainaah khan chu nin ringai seh viat mak e.

⁷Khasikin, nangmani kha suaka ṭhuia om masa rang chu nin nit. Nin ruaiṭhehei neh nin hoiinhâi râifânna kha inmong ni tâng a ti.

⁸PUMAPA Tinrêngthothei Pathian khan, ama riming ichingin hi riningna thu khir hih a pêk a: “Israel mihei lârripâkna khah ke tir a; an in ihoi tak takhei khah kî nel a nit. An khopui neh a sunga om murdihei khah irâl kutah kî pêk rang a nit,” a ti a.

⁹Khante, hingka hin nîng a ta, insungkua khatkatah mi sômkah a la dam om khom seh thi riai ngir an ti.

¹⁰Mi thi suapui, ruak iphûm rangtu khan insunga rithoka ruak kha a lâk suak rangah khan insunga la om isun ziangah khan, “Ni ziangah a la om im an om,” itin ridon a ta. Khante, ani khan, “Om khâi mak” tîng a ti. Khanungchu, mithi suapui khan, “Dâirek roh; PUMAPA riming kha ei sâm viat rang ni mak e,” tîng a ti.

¹¹Ringai ta u, PUMAPA khan thu a pêk tikin chu in ilian neh in ichîn khom chim rem rum a ti.

¹²Sakorhei kha lungpui chungah an îtlân ngai mani? Min tuipui chungah khan sechalin âl an ikâi ngai mani? Khannisela, nangmanin chu roirêl dikna kha tûr nin inchang a, thudik kha thil ikhâ nin închang ngai a nit.

¹³Lodebar khua chînte nin inê a, nin risong ok a; “Karnaim khua khom ilah thei rangin ritha ei inei a nit,” itin nin ripâk a.

¹⁴PUMAPA Tinrêngthothei Pathian ngêi khan, “O Israel mihei, nangmani doi rangin nam dang hong tir ki ta; Mâr tianga Hamath khua kotsuaa rithokin sim tianga Araba vadung idênin an nuam nangni lo an ti,” ai ti a nit.