Read Biete JONA 2 Bible Online

JONA 2 - Biete bible

JONA 2

¹Jona khah ngapui phûng sunga rithokah khan PUMAPA a Pathian ziangah hingka hin a ṭongṭai a,

²“Ki dengtheina sikin O PUMAPA, Nang ki îsam a nit, nangman ni ne sâm a. Seol inthûk taka rithokin nang ke sam a, nangman ki rôl ni riat tâk a.

³Tuikhanglian mong inthûk takah khan nangman ni ne pai iṭhul a, Tui itam tak chu ki vêlkan a om a; Ni tuirifôn neh ni tuirisokhei murdi khan an ne vur mai a.

⁴Keiman chu, ‘Ni mitmua rithoka pai suak ki nit a, Ni biak in rithiang rêng rêng mu nôk thei khâi no ning e,’ ki ti a.

⁵Tuihei khan a ne chîm inrinîk a, Ki vêlkan tui inthûk tak khan a ne hual vêl a, Tuikhanglian loisûlhei khan ki lu ai tuam a nit.

⁶Tlâng ringatna bulrêtheiah khan ki tlâk lût a; Rinêng nuaiah khan kumkhuaka rangin a ne khâr khap tâk a. Nikhomsela, O PUMAPA ki Pathian, Nangman khurmongboi ata chu ki ringna nî lâk suak tâk a nit.

⁷Ki ringna kha â boi dip rang angkana ki riat lâiah khan, O PUMAPA nang ki riat mai a, Ki ṭongṭaina chu ni biak in rithiangah ni ziang a hong tlung tâk a.

⁸Thil chanlamboi mirmil chubai iûntuhei chu, Ni chungah an iiamom ino a nit.

⁹Keiman chu inpâkna la sakin ni ziangah ribôlna lan ki ta; Ki ṭonginkung chu len ki ti. Saninringna chu PUMAPA ta a nit,” itin.

¹⁰Khanungchu, PUMAPA khan inga khah thu a pêk a, Jona chu imuangah â luak suak tâk a.